陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

未寫日記之前，先要同Joanna妹妹拜個年，哥哥祝妳身體健康、萬事勝意、心想事成，最重要是可以快快拉埋天窗...嘻嘻~~
還有長期支持夢星雲的的小梨、蕉蕉、秋思...(排名不分先後)，我都祝大家新一年新開始，事事順利，最重要還是身體健康呀!!
妹妹，霍元甲都ok好睇，但我始終是看成龍、洪金寶的武打片成長的，所以我還是覺得八十年代初的武打片最好看。

5.2.06,星期日. "秘密行動(完結篇)"

今日一早起身，先是要完成中心的工作，一做就做到成兩點，然後就接注開始秘密行動，最後，三點三完工!!起貨後，通知多木，去秘密機地，搞好晒就出旺角釘裝，一式兩份......好o野，咁就等明天了。
做好晒正經o野，先同多木去"Gindaco"食小丸子，跟注就去咩A&B(唔記得啦!)幫佢大姐買褸，然後去那間唐人街搵貔貅買，事原前一晚多木原先的貔貅...大吉利事，所以要買隻新的，但去到發現那間鋪實在太多人、太擠擁了，結果我們買唔成，返過嘉樂搵送比阿Mei的禮物，行到咁上下，就會合埋二姐同二姐夫(輝哥)一齊去東京食飯。(呀!唔知點解總係覺得輝哥好世界仔，我都想學似佢咁，因為覺得好似佢呢一類應該可以好好保護到老婆的)食完飯，帶二姐兩公婆睇我同多木睇中的袋，結果是被否決的...惟有下次再搵o下啦!睇完袋，送埋多木上車，就一個人行去火車站，但在途中，左右腳先後抽筋，不過好彩過o左陣無事。
今晚的飯聚，沒想到約到......

6.2.06,星期一. "慶祝"

今天雖然老細不在，但我沒有偷懶，成日都好忙，其中下晝就忙明天活動的物資準備。放o左工，先去沙田買埋遊戲物資，然後就出佐敦會合阿婉、阿青兩公婆和陳生(可惜Pinky今晚唔舒服無o黎到)，因為他們今晚為我慶祝生日呢!今次我揀o左一間我一直好想去試的意大利餐廳--"Tivioli"。其實我之前都怕這類餐廳未必o岩佢o地，但沒想到他們不但沒抗拒，反而幾喜歡添，當試埋這裡的食物質素，再加埋埋單價錢...大家都叫好!
這裡環境、氣氛真的不錯，好o岩傾計或二人世界，我相信週末、假日，又或者大時大節，好次o黎緊的情人節，一定爆!是關好似今日星期一，我們七點九入座，過無耐就滿座，出面有人要等位呢，可想而知這裡受歡迎的程度。
講番食物，我們今晚叫了一個四人餐，另加一個Pizza，菜名唔係好記得，但道道都好正，尤其那一個牛柳，弄得個個都讚好，還有那個焗茄子、波菜煙肉蛋麵，和正統Pizza都好好味(即係全都好味)。嘻嘻，我一定會再有第二次光顧。
今晚收到大家送給我的澳洲Snoopy郵票，好靚我好鍾意呀!多謝大家!

中午打電話訂o左星期六的檯了......^_^

多木收工後，成功的遞交了!Yeah~~