陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

一星期沒有寫日記，所以這篇叫週記吧!

6-9/7/05 "網頁"
早兩日趕頭趕命計數，到今天突然轉job，還要一連兩晚做到兩點，那就是做"網頁"，這真的拜我的"好同事"(他/她不是真的好)所賜......
連續趕了幾日的會員人數修正工作，老細昨天回來話原來唔緊要，之後調正番就ok，知就唔洗咁緊張啦，但老細回來卻講了一樣比計數仲"金"o既，就係10號之前要完成中心個網頁喎!!我一聽到當場呆了，老細見狀就話"早在上次開主任會後，同o左那個"好同事"講過，兼且那好同事上星期去上FrontPage堂時，應該知道呢個星期要做起個中心網頁......"我頓時心想，妳唔好早d講(我指好同事)，要人三日起個網頁......
唉~無計啦，鬼叫我係打工o既咩，於是即晚收工就去了沙田搵"老番"，但結果都係搵唔到...到了第二日一早，根據昨天落駿景開會所傾的開始動手做網頁，好在之前已做落一個，只要在原有的基礎上修改就可以，雖然一個早上已基本完成，但仍有手尾要跟，到o左夜晚，還要去駿景開職員會，之後收工回到家食過飯就繼續網頁工作，一做就做到兩點...
仍因為昨晚做到深夜兩點，所以到星期五晚做看更時，罕有地睡著了，人o地走晒自己都唔知~~不過好在那時只是十點一個字，即係走o左五分鐘。
到了星期六，長週，因為穗禾中心沒有寬頻不便做網頁，所以下午落了駿景繼續做，但因為實在太多細節o野要執，一做就做到夜晚差不多成八點先走人...但那時仍未做好o架，但一於好少理了，食o左飯先算，於是就同爸爸去了"滇家菜"吃我最愛的雲腿炒飯，充電之後才回家繼續做埋個網頁，結果做到兩點終於做完，又係兩點呀......

10/7/05,星期日 "上課"
經過連日的工作，個人實在太倦了，點早都只能七點半起身，結果去到上環還是遲到，是最後一堂課了...上完課，搭巴士回第一城飲茶，係一家五口齊晒人飲茶，都好耐無試過了，因為好多時唔係阿妹唔去就係細佬去了拍拖，一家人齊晒坐埋一齊飲茶真的好少了。
到了晚上，一家人圍埋一齊睇"早熟"，我覺得這套戲拍得不錯，要表達的都表達得到，唯獨有一敗筆，就是完全沒有提應該要找社工，因為如果發生劇中的事，應該是要找社工協助，對男女事主和雙方家長都非常重要，就算當劇中男女主角和雙方家長唔識去搵，但編劇應該要在片尾帶出應該要找社工這訊息，這才是正確的!!

11-13/7/05
忙啦，但唔知忙乜，總之一返到中心就是忙，雖然已經搞好個網頁，但還有那個好同事的蘇州史要我近，就是她亂o黎的數害我要到星期一才搞點，忙足一日，到昨天才叫做番自己o野，但都係忙到暈，結果昨晚回家食完飯就即刻上床交交豬去了，因為實在太倦...到了今天，係好好小小，不過還是給今晚D大粒來沙田搞到自己有點緊張，不過好彩事事順利。

11/7/05,晚. "滿江紅"
今晚約了Madam、莫偉康食晚飯，事原係莫生女朋友有d車仔比我比d小朋友玩，所以相約出了尖沙咀食飯。今晚都係我第一次莫生的現任女友，印象都ok，不過就好似無咩講咁，而我同Madam都覺得她似乎同莫生......食完飯Madam陪我再過一次海運那邊，可惜晚了大多已經關了門，不過唔緊要......多謝Madam!!^_^
今晚食飯的地方叫"滿江紅"，莫生介紹的，味道不錯，水煮牛肉、小湯飽、茶樟鴨、蟹黃豆腐...正!有機會會再去!