剛才到夢星雲的祖居,自己是第7001個人次呢!那麼即係話夢星雲已經超過7000人次瀏覽啦!不知誰是這個幸運兒呢?我相信,其實夢星雲的瀏覽人次應該過了9000,原因夢星雲曾經搬家,如果將那兒的瀏覽人次加埋現在夢星雲的新居再加埋祖居,大膽的甚至可估計過一萬......見到這些數字的確有點開心,但這已經不再重要,因為只要有朋友到來,支持和鼓勵我,我已經心滿意足了。
這五天所發生的,總體都是開心的,只有一丁點事氣人......
亦因為開心,很自然會忙碌(通常我忙碌一就是很多工作,二是趕功課,三是很多開心節目),幾天沒時間寫日記。
28/7/04,星期三."哈利波特3,要多謝Sally"
好開心呀!好開心呀!因為今晚終於可以去睇"哈利波特3--阿滋卡班的逃犯"啦......
首先要多謝Sally妹妹肯陪我去睇,因為如果無人陪我,我是絕對不會一個人入戲院的,多謝妳。
戲票昨晚已經晚定的了,所以今日一收工我就即刻飛奔去霸位食飯就是了。有什地方六點未夠就要去霸位食晚飯?咪就係沙田個間"和民"囉!(呢間o野都變態o架!如果不是六點前霸定位,都必定要等成個幾鐘先有位)因為Sally妹妹話未食過,加上我又鍾意去和民食,所以早點霸位都值得o既,好好味哦~~食到七點,埋單啦,因為今晚睇七點四,想話時間唔唔好,但我都唔知點解,次次睇哈利入場,總是遲了丁丁,而次次播哈利的戲院都係搭到正一正播,結果不幸的我由第一集到今集,都是無辦法看到套戲的開首第一分鐘所播的......
第三集的確比第一、二集好看,雖然無法拍晒成本書,又改了劇情,甚至今次連一些場景位置也"搬家"了,但總觀都是好睇的,哈利波特萬歲!!
睇院戲,悶了Sally妹妹兩個鐘,又係時候要回饋人家的時候,所以我們去了健康百景食甜品,食雜果涼粉,又係好好味喲!食過甜品,都已經是十點幾了,要送人家去搭火車站返歸了。
亦因為今晚去了睇戲,又被其他同事話我有"大單o野"前夕走o左去呢!=P
29/7/04,星期四. "氣壞我"
今晚是中心生日會,又要成晚無時停,不過唔緊要,都習慣了。但今日有點不同,就是出發前給新同事氣壞......我向到不想多講,總之我就覺她未做過就唔應該自把自為,應該看看人家怎樣做,唔好做錯晒!還有"她"唔應該被人調番轉頭被新o黎o既教點做,>.<總之就激死我啦!!!!!!!
講番今晚生日會,今次唔洗我辦鬼辦馬,辦皇帝就可以了,是關今次搵o左Jordi仔扮"鳳姐"呢!哈哈~~佢真的辦得好鬼搞笑,笑到班老人家"轆地"呢!!
每次生日會都做到成十點幾先歸家,好倦的呢!
30/7/04,星期五. "搵人笨--悶死人的漫畫展"
今日放假呀!但不是太自願的,因為我本想放26號,但放唔到,那只好在無得揀的情況下放今天。本沒安排要做什麼的假期,因早上聽到收音機話漫畫展由今天開始,於是決定返學前去逛逛。
早上和爸爸飲完茶,先回家竭竭,然後再回中心交帶少少o野,就出發去漫畫展。因為我早已經是抱著去看看的心態,所以只是預了行兩個鐘。我去到會場,大約四點左右,但點知去到竟然要排隊入,我當其時心想,唔係咁多人去掛!?但當我入到場,就發現原來都唔係好多人o者,但同時,原來連賣漫畫的攤檔也不多,就算有,都是賣舊o野的多,除"天下"和"玉皇朝"有一丁點新o野外,其餘想搵新的漫畫或產品也沒有。此外,成個場不是賣貴(唔抵)玩具就是電玩遊戲,同埋畫了一個大範圍"擺地攤"呢!唉~知道今年的漫畫展係咁,就唔浪費金錢和時間去啦!!結果我什麼也沒有買出來。
去完搵笨兼悶死人的漫畫展,就坐車過海返OU,聽一個有關學分承認的諮詢會。聽完,就一個人落旺角食粥同逛街,順便搵搵我想買的漫畫...結果,都係旺角有!
31/7/04,星期六. "King Arthur"
昨晚睇"極地重生"VCD睇到成三點,但我沒有睡至十一、二點呢!反而九點幾就起o左身,吃過早餐後就開始執拾我o既書架,因為書展過後加埋平時買落的,有好多新書要等上架哦!大概執到一點三,係時候動身去飲茶了,因為今天約了剛從澳洲回來的表嫂和表哥表姐及他們的小朋友飲茶呢!飲茶飲到三點幾,之後就回家繼續"執書",結果執到差不多六點先執完。但這樣剛剛好,因為我接注梳洗妥當後,就去同Anna和湘湘一齊去睇"King Arthur"(這套戲幾好睇o架,還可以認識一下英國的歷史添),睇完戲,匯合埋Anna的家姐,一起去了"元祿"食飯。食完飯,陪三位女士睇衫,然後就同湘湘一齊坐81K歸家了。
1/8/04,星期日. "特別的感覺"
星期日,又係難得的八點半就起身,因為今早要去City上講論課,今次的課題係"意識型態"呢!!今天上課有點特別,因為有種似讀大學的感覺,但大家不要誤會我現在不是讀大學,而係因為今天科主任親自上場,他所用的教材全是英文的呢!大家可能有所不知,我這一個大學生唸的全是用中文的,就連現在的政治導論也一樣。呵呵,所以今天用番英寫筆記.有一種好特別的感覺,是關我已經好耐無用英文寫o野了!
上完課,一個人行又一城,這一行,又使我產生了另一種感覺......離開了城大,一定要經過又一城,而我亦跟注一定走入Page-One逛,這一逛有意外收獲呀!因為給我找到一本桌球的書,可給我的桌球小組用呢!買完書,心血來潮的逛"great",買了一點點"洋食品",然後再去埋這兒的"大百佳"繼續掃貨,我本想繼續掃"洋食品"o架,但結果我給那兒的壽司吸引了,結果變了買o左好多壽司,實行今晚在家開"日本料理",除了有壽司,我還買了日本梅酒和蜆肉,蜆肉是用來炒青椒的。呀!還有要弄冷麵添呀!買完o野,又有一種感覺產生,一種從前的感覺--休閒生活。我一直都喜歡行超市的,但自從屋企情況差了,已經比從前少o左。從前我很喜歡逛超市,逛有"洋食品"的地方,買東西回家弄吃的,弄下午茶、弄午餐、晚餐,但這些生活感覺,似乎消失了一段日子,不過今天突然再次出現。
今日抽唔到綠茶呀!!
剛才找了阿青商討我們的十週年活動,我們還有兩星期咋!!
***
近日爸爸的腸胃受那些藥影響,弄得個人好唔舒服,真的使我擔心和感覺不知所措,因為不知可以怎樣幫他,又或者我o地究竟可以做o的咩?我又要找Elaine問問了。
每天都有想起她,而且思考了很多很多,但答案也只有一個......
我現在怕自己為了逃避,去開闢另一條路,但那條路是自己要走的嗎?真的是想走那條嗎?還是只想有路走注先......
文章定位：
26.7.08 "出發啦!出發啦!準備出發啦!, (chausze)