陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

18.11.06,星期六. ”買唔成”

是日長週，一朝就忙到中午，飯都係食得半個鍾多o的就要趕番中心開會，直到成六點先有得收工走人，不過收工還要出尖沙咀，因為我沒有一件合適的外套用於阿思明天的婚禮，所以今晚約了”伴娘”Pinky陪我買衫呢!(奇怪，明天便要當伴娘了，還有時間陪人家買衫的?)之但係我揀唔o岩呀!因為明天預計天氣和今日一樣咁熱，但o的衫無20度以下都幾難穿上身，所以我一件都買唔到，反之伴娘小姐就唔同呢，買o左o的化妝品同件衫，哈哈~沒想到竟然我成了她的”魔鬼”!今晚同Pinky去o左厚福街我上次試過的越南餐廳，真的經濟實惠又好味，誠意推介比大家”椰林越南菜館”。其實我唔係無買o野o架，食完飯行加威道時，本睇中件波衫想買的，但人家賣晒XL咋，唔關我事。
今晚真的多謝Pinky陪o左我一晚，可憐她第二朝六點幾要過到阿思屋企呢!!

19.11.06,星期日. ”阿思結婚呀!!”

由於昨晚睇波睇到三點，所以今朝成10點半先起身，同細佬落街吃過早餐返上樓，沖涼洗頭換衫已經夠鐘出門口了，這樣正符合Pinky和阿Mon昨晚的建議，今朝唔好去搵衫啦，越心急匆忙買的，一定買唔o岩，所以我扮靚仔後便直去紅磡，準時去到隧道口。我同家姐、阿雄和蘇銘欣一行坐118過柴灣，未夠兩點半就已經去到教堂，我們先是見到阿強，然後見到阿思媽咪，簡單的道賀一番後便入禮堂，入去一陣婚禮亦開始了。成個婚禮氣氛充滿喜悅，而且節奏明快，連埋影相都四點左右。在婚禮期間，蘇銘欣用3G與阿怡通話，將阿思的靚樣同阿怡交換，因為阿怡今日的唐家姐結婚，她要做伴娘，所以今日唔能夠出席阿思的婚禮。透過視像，見到阿怡真的好靚呀!最衰我無咁好福氣，做到她的男朋友。
婚禮完畢，同一對新人影過相，食過茶點同思媽咪傾陣計後便坐大會安排的旅遊車過旺角，由於時間尚早，我便先別大家一陣去先達幫阿Yen買那隻什麼”太鼓之達人2”的PSP Game，但結果是賣晒呀!要明天再去買。買唔到，匯番家姐佢o地便上酒樓去。由於我們真的叫做早去到酒樓，又無o野做，當然係傾計，傾無耐馬姐都到埋，在傾計的過程裡面，傾到迪士尼，原來家姐好鍾意去迪士尼，上次生日去仲有好開心的經歷和禮遇，蘇銘欣又未去過添......說到這樣，我忽發奇想，不如明年我生日約大家入迪士尼囉!反正又有免......一於咁決定，我啦、家姐兩公婆(到時已經係了)、蘇銘欣、馬姐，約埋阿怡同阿思兩公婆，一齊同我過生日，拾回迪士尼應該有的開心回憶，因我第二次入迪士尼時，想起...結果第二次入一點開心也沒有，希望第三次入，可以變回開心，同埋生日唔會再想起......
講番阿思同阿強的婚宴，簡單兩個字”開心”，因為有兩個不錯的司儀和一班興奮的教友，所以整晚婚宴洋溢著開心的氣氛。不過有朝忙到晚，一對新人晚上已出現疲態，Pinky伴娘亦然，而我亦是，因為由朝出到晚嘛!
呀~婚宴有一段小插曲，就是一對新人進場時，阿強比其中一枝花炮”撃中”，樣子十分搞笑，這有趣鏡頭，給馬姐的DV拍下，笑到我們轆地，遲D一定要比番阿怡同阿思兩公婆睇。
開心的時間真的過得好快，開心到十一點幾散席，大家高高興興的離開。
在夢星雲，再一次為阿思阿強送上祝福。

20.11.06,星期一. ”搵食”

是日放假，但九點幾已給電話弄醒，做中心o野......不過好快搞點，所以吃過早餐就上網寫日記。
下晝照例去做物理治療，然後出旺角同阿Yen買”太鼓”，順便逛旺角，看看有什麼禮物送比阿婉，結果買了一個幾得意的唐老鴨散子包。
晚上回家揀到星期三慶祝的餐廳啦，通知了大家，希望係正o架啦!!每次”搵食”真的好大壓力。

21.11.06,星期二. ”發燜”

沒有什麼，只是今日做o野勁忙，做到有點發燜!
今日收到Joanna妹妹的e-mail。妹妹，哥哥一定會幫妳的。^_^

P.S. 相中的一對新人，當然是阿思和阿強啦!而這張相，是用我的新手機影的呢!