梁一凡-猶賰偌濟
梁一凡-猶賰偌濟
世間所謂的情與緣
其實只是種欠與還
前世欠的 今生償還
今生未了 來世再還
還清一個人
於是便離開那個人
了結所有緣
於是便離開這世界
大道至簡 簡單易懂
難懂的是 往後餘生
該償還的 究竟還有
多少人
多少情
多少緣……
猶賰偌濟（臺語）
iáu tshun luā-tsē
詞曲：梁一凡
演唱：梁一凡
吉他：梁一凡
題字：梁一凡
風 微微仔吹
hong bî-bî-á tshue
雲 勻勻仔飛
hûn ûn-ûn-á pue
人 戇戇仔做
lâng gōng-gōng-á tsuè
夢 猶賰偌濟
bāng iáu tshun luā-tsē
情 真真假假
tsîng tsin-tsin-ké-ké
緣 長長短短
iân tn̂g-tn̂g-té-té
路 行較慢咧
lōo kiânn khah bān--leh
忝 小歇一下
thiám sió hioh--tsi̍t-ē
青春親像斷線的風吹
tshing-tshun tshin-tshiūnn tn̄g-suànn ê hong-tshue
愈飛愈遠無地揣
jú pue jú hn̄g bô-tè tshuē
時間無張無持走若咧飛
sî-kan bô-tiunn-bô-tî tsáu ná leh pue
日子無聲無說猶賰偌濟
ji̍t-tsí bô-siann-bô-suehiáu tshun luā-tsē
錢 趁無偌濟
tsînn thàn bô luā-tsē
厝 淡薄仔狹
tshù tām-po̍h-á e̍h
話 講較慢咧
uē kóng khah bān--leh
心 莫想遐濟
sim mài siūnn hiah tsuē
青春親像斷線的風吹
tshing-tshun tshin-tshiūnn tn̄g-suànn ê hong-tshue
愈飛愈遠無地揣
jú pue jú hn̄g bô-tè tshuē
時間無張無持走若咧飛
sî-kan bô-tiunn-bô-tî tsáu ná leh pue
日子無聲無說猶賰偌濟
ji̍t-tsí bô-siann-bô-sueh iáu tshun luā-tsē
願望親像蔫去的圓仔花
guān-bāng tshin-tshiūnn lian--khì ê înn-á-hue
愈來愈細墜落地
jú-lâi-jú sè tuī lo̍h-tē
成功的機會你嘛小等一下
sîng-kong ê ki-huē lí mā sió tán--tsi̍t-ē
莫予我逐甲戇戇踅
mài hōo guá gio̍k kah gōng-gōng se̍h
人生是相欠債
jîn-sing sī sio-khiàm-tsè
當時才會收尾
tang-sî tsiah ē siu-bué
人情世事 攏還予澈底
jîn-tsîng-sè-sū lóng hîng hōo thiat-té
我這世人 猶賰偌濟
guá tsit-sì-lâng iáu tshun luā-tsē
我這世人 猶賰偌濟
guá tsit-sì-lâng iáu tshun luā-tsē
文章定位：
