因為我未同阿媽講我唔做，所以我照常 9:00 出去，不過我話要 SEND E-MAIL 至拖到 9:20 至走。之後搭車去葵芳，嘆咗一個早餐，仲帶埋日文一級書去溫添。溫到 11 典左右，就去三聯睇書，典知俾我突然睇中一本書，好正，係講有個佬為咗理想，廿幾歲至走去日本留學，再讀專門學校時就遇到種種不如意事而憤而返港既經歷…呢個題目遲 D 再講啦。之後因為約咗小郡主睇鴨，所以走去觀塘 APM 睇下幾典做啦，去到睇典知，一係 6 典，一係 10 典，咁想典吖﹖同小郡主商量，去番德福 UA 睇，仲有平添，呵呵﹗因為有張 $30 既 COUPON，同埋有 9 折優惠。YEAH﹗但因為已經去咗 APM 喇，咁唯有行一陣，食下 TEA，睇下書，典知，我淨係掛住睇新買本書，冇再睇到本一級書喇，唉﹗
7:15 入場，睇到差唔多 9 典出番嚟﹗凍鬼死我，因為我只係著短袖衫，睇到一半已經要縮埋一邊喇﹗唉﹗好彩唔係睇恐怖片，如果唔係，又凍又驚，唔嚇死都凍死。之後肚餓，去 M 記飲杯熱古古力至舒服番晒﹗之後同小郡主傾咗好耐計，但大部份都係得佢講，我淨係聽。到最後因為我同佢住樓上樓下，所以就一齊返歸，但係我要上一條超級長樓梯，當時成 11 典，又夜又冇咩人，咁我一口氣行上去，差唔多到時，隻腳已經發軟蹄咁震喇﹗
星期六，阿媽返大陸，而家寫緊日記都冇王管喇，到星期日晚，阿媽返嚟再同佢講我辭職既事，呢 D 嘢，等佢去完大陸至講會好 D。
私：喂﹗OWNER﹗
慶太：你叫我呀﹖
私：係呀，你咪係呢間鴨店既老闆囉﹗
慶太：我唔係呀﹗
私：你仲話唔係﹖出面都貼咗呢張相喇﹗
慶太：（怒）邊個貼既﹖
………
文章定位：
