今日見咗工，就請咗我喇，叫我 11 月 1 號返﹗雖然唔係即時話請，但係聽語氣已經知道，呢間會請我喇﹗果然，6 典打電話俾我，佢話同咗佢老細講，冇問題，叫我 1 號返啦﹗YEAH!!!
雖然個 Salary 係回落咗，但我有信心，今年可以返番去我離開葵興嗰時既人工……啩。嘻嘻﹗
呢篇終於係第二百篇喇﹗無謂嘢寫咗一大堆，不過都算係生活既一個記錄，本來諗住呢度嚟個了結﹗轉去兩個日網繼續架喇，不過呢度一次過可以貼五張相，又唔係好捨得唔要，所以呢度更新會慢過舊屎…呀唔係，係舊時啦﹗
各位，喺嗰邊見啦﹗
涼平：唉﹗你唔再喺度，我哋就會好孤獨架喇﹗
慶太：（立即熊抱隊長）吓﹖你會唔捨得個傻婆﹖佢累到我哋要落火坑呀﹗
涼平：噓~﹗細聲 D 啦你﹗想俾個傻婆聽到咩﹖唔咁樣講，因住佢返轉頭搵你呀﹗正一頭大無腦，腦大生草﹗
慶太：嗚哇…（心諗：隊長做咩鬧我呀﹖）…哇…
涼平：………嗚哇………（心諗：跟住喊，無蝕底）…
慶太：（轉撲向龍一）龍一~~隊長鬧我個腦生草呀~~~
龍一：（睇完佢個髮型後，苦笑）又真係幾似草既﹗
慶太：嗚哇…（即刻彈開）…我要寫首歌，唱你兩個﹗
涼平、龍一：哼﹗我哋北海道代表聯手，打低你呢個福崗代表﹗邊個話高既就大晒架﹗yeah~!!
以上所有 w-inds. & 私既對話，純熟搞氣氛﹗請勿投訴﹗
因為投訴都唔啋你﹗哈哈﹗
文章定位：
