我個同事大 C（就係之前講佢會同我差唔多時間走嗰個），佢話一直都有同其中一個日本客用 e-mail 聯絡。今個禮拜六佢個客就會嚟香港，想去迪士尼玩，叫埋大 C 去，但係大 C 費事淨係得兩個去好似拍拖咁，於是就叫埋我去做電燈胆。不過佢話佢個樣似廖啟智喎。呵呵﹗(^o^)r
本來如果星期六放工去既都冇問題既，弊在佢話要 4, 5 點之後至 OK。咁鬼夜至入去，好快就會閂門喎。但係佢又話好想去，於是大 C 提議去吓個地鐵站都好啦，之後再早 D 食飯，咪早 D 走人囉﹗跟住佢個客就話都好啦﹗但係佢話晚飯想去飲茶，食中餐，仲要去 D 好貴既酒樓度食，因為如果喺日本食就好貴。佢都傻傻地既，香港唔貴咩﹖而且大 C 佢又係食齋添，不過呢樣廖啟智唔知道，唉﹗到時都唔知食咩好喇。
大 C 話今次主要想問佢公司請唔請人喎。哈哈﹗講笑啫。當係識多個日本朋友囉﹗不過我淨係知道今次又會唔見幾百蚊咋﹗肉痛﹗(>﹏
文章定位：
