24h購物| | PChome| 登入
2005-12-20 03:18:31| 人氣30| 回應0 | 上一篇 | 下一篇

追憶二!!

推薦 0 收藏 0 轉貼0 訂閱站台

突然回想番今年過生日既情景，真係過得好特別，已經事隔整整一個月了（因為今日係20號了），仍記得好清楚。

還記得響19號晚實習夜，一班機構青少年義工特地訂蛋糕同我慶祝，仲要響臨收工前十五分鐘，要個協調員叫左我走，走出青年部，我都估到唔對路架拿，佢地一包二包咁返黎喎之前，後來俾我估中左，到我返入去時，佢地off左青年部D燈，唱灑歌咁，好TOUCH，好耐未試過咁特別了個感覺，好開心呀！因為哥晚之前估唔到佢地會咁有心囉，好出奇，可惜無相機響到啦 ~.~

後來正日零晨同班「自由行」朋友去唱Ｋ，且係同其中一位17號生日既朋友一齊慶祝，雖然哥晚大半個場都係哥位朋友既朋友，不過我地自由行既人又邊會愁寂莫丫，一於坐埋一二角圍威喂！哈哈，依然咁開心，而且仲收到花添呀！我記得自從二年前我受浸哥日收到三束花之後，我就無收過花了，依家哥束花已在我家成為花乾了，不過我無打算掉呢！紙巾姐，開唔開心呢！我幾珍惜你送既野！！當晚仲有我最喜歡食既壽司添呀！多謝奇雲哥，到依家諗返我都仲好開心架！所以我正等緊哥晚既相呀，幾時返到黎呀～～？哥晚仲見到另一位壽星女同個女仔朋友都成為「紅花」，索到爆，哈哈，真有眼福！

不過，我發覺，每一年生日都唔會有個自己鍾意既人響身邊同我過，今年．．．都唔例外，不過感覺上與往年有少少唔同．．．或者多左些「人」味吧！

我要檢舉
台長： 小雲雲
人氣(30) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文