24h購物| | PChome| 登入
2005-12-20 02:57:33| 人氣26| 回應0 | 上一篇 | 下一篇

追憶一!!

推薦 0 收藏 0 轉貼0 訂閱站台

嘩！！！終於可以上番黎留言了，自從個newspaper板主要update之後，我就再無時間上黎了，直至今日係回歸假兼我細佬無放假，haha~~ 因為我要用佢部腦黎上網 (可悲 ^^|| )

早兩日(即周日)係感恩主日，整朝崇拜都係弟兄姊妹既分享，雖然我無分享，因為都係D普通野，但係我居然成朝一路聽人地講，一路自己眼濕濕地喊，有無搞錯呀！我都覺得自己九唔答八，可能自己一直響到remind整年既生活及感恩事項既關係吧！睇黎我今日唔打出黎，可能我又有排無機會post them out了~~

其實今年真係經歷左好多野！人生大起大落，我成日同實習機構d年青人講：“你依家至十幾歲，就咁多愁善感了，你仲有幾十年要過的，咁咪有排愁？？點算呀？”講係咁講，但自己都會有憂的時候，但正好努力咁學習要放開，好似我對上一次post的新聞中提到有個好唔like既人響機構到，still to now我甚至要同佢拍擋做野，我同自己講我唔可以咁死響佢面前，就算過唔到實習，我都要做完要做既野，因為我好唔憤氣，雖然自己無咩料，但無料死好過俾人激死，俾人玩死好過臨時縮生俾人笑死，好似有d意氣用事咁，但這也成為我的支持，或者仍有佢既好處既！

一整年裡工作上有開心有唔開心、全職兼職、有工無工，大起大落；學業更加係上上落落；身體又病又好，又整傷又痊癒；人際關係上更加係變化大，有好多不同既人進入我的生活中，包括實習機構的青少年，佢地有好幾個都好識為我著想，會自動或唔自願地自動幫我同partier手做野，佢地真係俾面我地囉！走之前要好好咁多謝佢地至得！（不過同時亞sir話我地真係好為交功課而做小組，因為做得都幾媽虎，唉！）每一個我識的人都曾經影響著我，每一個都成為我生命中的人物。

終於又過一年了，自己又大一歲了，想唔認老都唔得，思想上不段將自己推至中年甚至老年，因為有些地方仍好偏激，唔憤氣唔死心，有些地方已經放棄良久，等它們煙消雲散咁，真極端了！

我要檢舉
台長： 小雲雲
人氣(26) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文