My Heart Will Go Wrong 好好去活每一日 ^(oo)^

490愛的鼓勵 0訂閱站台

Lunch@彩雲軒，又可以食到至愛o既千層糕。

其實諗o左好耐，都唔明點解民建聯呢班亂港份子，做咩亂o禁鬧異見人士。因為其實本身特區政府，對高鐵o既諮詢係做得太少、做得太差，差到幾乎無人知佢o係邊度做過諮詢‥‥‥（做戲都應該認真o的喇 @.@）
我本身係極之支持快o的o係香港起高鐵，直駁國內；
不過，強烈反對立法會撥款六百幾億港幣去起。
原因？政府個立場有問題，一向新鐵路站o既用途，唔係疏導故有人流以減輕交通飽和量，就係支持新Area發展。明顯地西九龍兩樣都唔係，點解要將呢幅超級值錢o既地用o黎起車站，而唔用其它新市鎮o黎起？
如果學政府話要o係市中心，西九龍又明顯唔係，應該起o係旺角或者銅鑼灣o羅‥‥‥
更可悲o既，係建造業盲目支持立即通過，忘記當年起新機場果陣o既結局：立法局無訂明請工人o既要求，承建商請本地工人運泥或起大樓，必須識得流利英語，最後承建商話請唔到本地工人而輸入外勞 =.="""

晚市放題@水車屋，有英皇會卡9折，HK$208，物有所值。

刺身：三文魚、吞拿魚、劍魚腩、油甘魚都係厚切，好新鮮，好好味；赤貝同馬刀貝都好新鮮；帶子同蝦（無除殼）就雪過龍，麻麻地
鐵板燒：薄燒牛肉（即金菇牛肉卷）同帆立貝好正；海中蝦好味但唔新鮮；炒鰻魚飯就無咩鰻魚，味精過多
海中蝦天婦羅：好正，非常熱但唔會食到成口油
炸餃子、麵豉湯：普通
日本蜆粥：必食！多蜆同蛋花，味甜，又可以逐碗慢慢食
人蔘雞湯：無咩蔘味
芒果布甸：正正常常喇
抹茶忌廉拌紅豆：其實係一球原粒紅豆，以奶送o黎食，都唔錯
炸香蕉：hehe‥‥‥（香蕉天婦羅，我就麻麻地）
烤鮮菠蘿：食完又食，好開胃