My Heart Will Go Wrong 好好去活每一日 ^(oo)^

490愛的鼓勵 0訂閱站台

經過琴日o果8粒幸福o既支持，總算停o左o的鼻水。

9:00就o係九龍塘度吹風，參加公司攪o既HK$20旅行。

去到壽桃牌again，不過就有公司送o既免費麵線，價值HK$8~
配合之前歌利亞送俾我o既雞粉、榨菜同辣椒腐乳，應該會好正~

今個星期，再次Early Lunch@歡樂。
不過，今次菜單升呢~

椒鹽鮮魷：炸得好正，粉唔會太厚，咬落香脆，魷魚睇落亦都鬚同身比例對等。
酥炸生蠔：炸完個Size，約普通手機個Mon o禁大。而食落係新鮮生蠔整成，有Texture，不過就要多o既時間去咬爛。
西芹炒豬肉：麻麻地，因為o的豬肉過o左火。

另外，公司贊助汽水1罐，價值HK$8~

食飽飽之後，就去河上鄉。
墾原濕地農莊，其實好細 =.="""
不過，睇人地餵山羊、玩水上浮波，都幾過癮。
更重要o既，係用甜品胃，幫襯鴻淘！
雖然依家本營內部裝修，不過臨時繼續o係河上鄉康樂中心短暫做生意。
其實，佢地o既豆腐花雖然好滑，不過就豆香味不足，而且只供應熱o既。
豆漿就只係得凍o既，反而豆香唔錯，但輪到有o的唔慣o既豆類制品味。
而且，仲好多烏蠅飛o黎飛去‥‥‥
點解仲要幫襯？因為呢度只係需要俾HK$8，就可以任飲任食！？！？
所以，我食o左4碗豆腐花，同飲o左1碗豆漿，飽上加飽~

去到錦上路西鐵站個跳蚤市場，雖然好多o野賣，不過無所穫。

o係九龍塘解散，所以漫遊又一城。
原來太耐無行過，一行就百感交雜。

Dinner@城大飯堂，豉椒排骨飯。
取飯後，就去燒味部，為個白飯加上咖喱汁。

3年無食，今日一食個咖喱汁，稀到得香味而食唔出咖喱味（但好辣）。
個飯好硬，要用汁整返稔。
排骨好好味，微辣又惹味，正~

不過，其實我係叫HK$10 o既節瓜肉片飯，個新接手阿姐唔知點解俾o左呢個HK$11.5 o既我，所以就照食。

o係馬會睇英超，半場就已經悶到歸家。