日記 @ 18 May 09＠My Heart Will Go Wrong｜PChome Online 個人新聞台

2009-05-19 00:19:35| 人氣111| 回應0 | 上一篇 | 下一篇

日記 @ 18 May 09

推薦 0 收藏 0 轉貼0 訂閱站台

老闆今日開始一週長假，所以牌面上比較Free。
當然，實際上有博被炒Feel，所以日日都幾Free ^.^""

但，仍然不斷咳，唔通命不久矣？！？！
係都唔錯，又唔使再追女仔，又唔使計退休須要o既儲備，幾好。

=========================================================

Lunch@大家樂，一行六人進駐。
不過唔知點解，今日幾少人，一入去已經有一張四人吉檯。

我依舊要芝士南瓜焗雞皇飯+熱咖啡，不過今日好正，好多芝士！

阿頭食新o既海南功夫雞(半隻)飯餐，雖然無之前o果個原隻沙薑雞飯餐o禁多雞，仲要貴o左HK$1；不過有油飯，比附近間賣緊HK$43一份餐，都得5件雞o既泰妃雞好。

同事就要o左再貴多HK$1 o既海南功夫雞‧蝦餅‧春卷飯餐，而雞就得返四份之一隻，不過HK$34一Set有三款o野食+熱飲，都OK滿足。

阿姐就食煙鴨胸菠菜闊條麵拌鮮番茄汁，因為我之前剪o左頭條張Coupon，所以收HK$30。雖然要等叫號碼，但賣相又真係幾靚~

同同事漫遊惠康，睇佢地採購，但由我碌卡 =.="""
結果，我無需付出，反而可以得到Cash Flow，兼滿足到購物慾~

Dinner@海港城海景大家樂，焗肉醬千層麵拌鮮番茄汁及忌廉汁+低糖凍蘋果綠茶，因為仍然有頭條張Coupon，所以收HK$31。

碟：平時絕對唔會講，但今次值得一提，因為隻膠碟好大隻，碟邊仲晒上綠色o既香草碎，好得！

肉醬千層麵：賣相真係非常驚人，因為同幅相o既層次，相差甚遠‥‥‥一"pat"千層麵上，加上大半邊忌廉汁，再o係其中一邊加上橄欖油，好唔掂 >.< 不過，將番茄汁加返上去，又幾好味播~肉味又香又Rich，仲要出奇地飽肚，都幾好。

低糖凍蘋果綠茶：Highly Recommend要俾呢HK$1，因為食完濃味o野，蘋果綠茶o既清香正正可以令我唔再覺得膩。