養傷＠My Heart Will Go Wrong｜PChome Online 個人新聞台

2007-11-19 00:09:26| 人氣71| 回應0 | 上一篇 | 下一篇

養傷

推薦 0 收藏 0 轉貼0 訂閱站台

11月17日

9:00至11:00同公司同事o係佐敦踢波：
一. 0:1 ——— 開賽5秒，同其他隊友仍然呆o係自己位置（右閘）o果陣，對軍前鋒一開波就由中場起腳，笠死龍門；我亦立即換入做龍門；
二. 1:1 ——— 被笠死o既同事，狂射下成功追和；
三. 1:4 ——— 自己失誤太多；
四. 6:4 ——— 前鋒狂攻，我就用盡胸口、喉嚨、兩隻手指公、食指去食波餅擋波，結果因為其中一球對軍前鋒o係我左手20cm前起腳勁射，令左手手指公重創（無明顯傷痕，無得Claim保險……）；
五. 6:7 ——— 被死角射球攻陷。

由於依家左手手指公一用力就痛，可能要養傷個幾月唔守得龍門 >.<

o係大腳八食o左個好好味o既鰻魚雞粒炒飯，所以下次去灣仔會考慮再食。

=================================================================

11月18日

身在尖沙咀東選區，昔日一向只有獨立人仕爭；今次連2個政黨在內，共有成7個候選人俾我揀，仲要唔係連任，難免令我花多眼亂。
上次當選o既律師，擊敗之前連任幾屆o既商人；不過佢好似無咩做過o野，所以佢唔競選連任都幾聰明。

前區議員位商人競逐，但在任其間好似管理麻麻地，所以唔會選；
位律師同醫生可能好專業，但唔覺有地區服務經驗，所以唔會選，避免重蹈上屆o既結果；
印巴藉候選人都有考慮，不過1個就只有近見無遠見；另1個竟然唔努力照顧中國人利益，俾英文單張我，有點兒那個……

剩下民建聯同泛民o既社民連線。
老實講，民建聯呢個絕對係一個o係立法會o既超級亂港大黨，嚴重影響政制立法議程，（當然，民主黨未致於亂港，不過同樣影響立法議程……）所以係我最最最最最憎o既黨；不過，區議會係為地區服務，唔係主力立法，又無理由俾個唔知頭唔知路o既人空降管區……
所以，最後投o左民建聯，希望佢繼續之前o係呢區工作o既努力，好好地管好呢區。

投完票，o係柯士甸道撞見蘇民峰，原來佢好瘦架~

我要檢舉

台長：金文泰