FS 同學仔 K Lunch＠My Heart Will Go Wrong｜PChome Online 個人新聞台

2007-06-24 01:02:57| 人氣81| 回應2 | 上一篇 | 下一篇

FS 同學仔 K Lunch

推薦 0 收藏 0 轉貼0 訂閱站台

今日同周生終於歷史性首次同Sa姐+ LiVi唱K，地點仍然係平平o既寶勒巷Neway，慳$$$要緊，有麵包食亦重要~
結果，俾LiVi話我去o果度只為食o野……
聽到好多「新」歌，同見到11年前o既張燊悅，不過我同Sa姐都認唔出。

唱完Sa姐就去會展睇珠寶展，真係擔心佢忍唔住買返一Slot，到時真係唔知點算。

我地3個就漫遊九龍公園，再行落旺角，睇周生「睇」碟同「買」漢諾威波衫，結果o係LiVi o既建議下，無買Fiona隻碟；唔揀紅色而揀貴HK$10 o既綠色波衫；建議唔好買唔o岩身o既波衫：
所以，周生結果無洗$$$。
可以成千蚊件波衫？！？！我會寧願買把LV遮，起碼貴o的，哈哈~
證明周生好有$$$，哈哈~

拜別後，就行去卓悅買護膚膏俾外甥，同去油麻地永安食品部採購糧食，HK$6.9一包桃哈多。
如果經濟真係o禁好，點解永安大減價o禁多人去，仲要計住計住唔想用多o左一分一毫買o野？

見到幾間老舖都裝修緊，唔知係經濟好而用$$$裝修，定係已經支持唔到業主大加租而結業呢？

原來恆生張M-Power、CityU信用卡同創興張MSN信用卡放o左成年喇，下個月可以剪喇~
DBS張宏利信用卡拒絕o左我o既申請，所以等下個月轉迎新禮品要再申請。
希望可以透過剪快出慢o既自然流失，兩年內將持卡數目由40張減到20張。

我要檢舉

台長：金文泰