My Heart Will Go Wrong 好好去活每一日 ^(oo)^

490愛的鼓勵 0訂閱站台

6月2日

由於Manager下星期五已Last Day，所以佢是日都上班補鐘。

收工後，立即搭地鐵去深水埗Kenneth屋企，同佢+ 周生+ 阿柏竹戰12圈。
剛出地鐵站，就淋o左兩個街口過雲雨；想搭電梯又撞正維修，改行11層樓梯上去：好在仍然o係Kenneth力逼下險守是日首名。

Dinner@西九龍KFC，皇牌一同分享桶餐4個人分。
議定下星期六舉行本年第一次「室外」活動：打桌球；但我會只參加第2部份：竹戰。

2號巴士全線改為冷氣巴，所以平o左HK$0.3。

=============================================

6月3日

7:10起身，7:25出門，搭船去中環，再轉搭叮叮去北角。
無諗過未夠8:00，環球商場已經充滿賓賓；1條人龍等Delifrance開門，極之願意消費。

9:00 o係北角街市集合，同11位同事（連我共12位義工）+ 北角家福會團友，一齊去元朗香港有機農莊參觀。
由於係行紅隧+ 獅隧而非3號幹線，所以成10:20先至去到……

個農莊幾靚，但勁多小昆蟲。好在，SA同事Eric發現Body Shop一隻沖涼後用o既爽膚香水可以驅蚊，所以我噴後無乜俾蚊咬。
位處大欖郊野公園隔離，用過濾後o既山水，加上有機肥，所以非常田園氣味，見到好多唔同品種o既農作物。

不過，無冷氣始終差少少……

Lunch：仙人掌紅蘿蔔煲紅菜頭，煮青瓜，麵豉煮四季豆，鹵水雞翼，洋蔥豬扒，糙米。
四季豆好甜，所以破例食o左2條；青瓜只食1片。
豆漿好香甜，不過飲2杯o既同事話2杯都唔同味。

成為Game Instructor之一，o係條荒蕪o既山路中間，等成個鐘至5組人輪流o黎到玩遊戲，結果：晒黑o左。

撞見經濟日報o既石鏡泉，合照後至知個農莊原來係佢o既，所以有幸由石Sir指點，同FAD同事Cynthia一齊，各種o左2棵檸檬樹。
石Sir話2年後，可以去自己種o既樹，取1個檸檬，但其他就要俾佢賣；我就睇o下2年後有無機會再去先~

各義工得由家福會送o既小盆栽，我就得花碧麗，會o係公司種。

16:20回程，o係車上差少少累到訓著。

搭叮叮去銅鑼灣，會合阿蚊去柏寧酒店間Cafe One，食之前義工獎o果2份Dinner Buffet，價值@HK$318連加一，共HK$699.6。
食o左好多長腳蟹腳，咸凍龍蝦蚶，同10球Haagen-Dazs雪糕：4球抹茶+ 3球桑果雪果+ 2球士多啤梨+ 1球香檸雪果，另加軟雪糕，千層糕，藍貝，羊脾等等其他食物，都OK值呢個價。

搭船返尖沙咀，好在有冷氣。