本月第2次海馬公園One Day Trip＠My Heart Will Go Wrong

2006-10-23 00:14:28| 人氣102| 回應0 | 上一篇 | 下一篇

本月第2次海馬公園One Day Trip

推薦 0 收藏 0 轉貼0 訂閱站台

09:00起身，09:35o係尖沙咀地鐵站恆生集合，就去紅隧搭171去海馬公園。
生地姐生日免費，我就用公司送o既免費飛，周生就早前去中旅社買特價飛，所以人均消費極低。

一入場就去動感影院，但周生話佢合埋眼玩……不過佢同生地姐都怕俾水噴。
纜車上山睇水母館、摩天塔同睇海獅海豹後，就去玩越礦飛車，嚇親周生同生地姐……睇佢地玩激流，然後獨自玩太空摩天輪。
睇完鯊魚館，海洋館己經太多人等，所以改為我去買Lunch，生地姐去玩飛天秋遷，周生拍照。

Lunch@麥當當，1次買4個巨無霸，嚇親位嬸嬸。佢地每人1個，我就食2個。
睇完海洋館，海洋劇場已Full，改為獨自玩海盜船、跳樓機同翻天飛鷹。
有2個小妹妹如果唔係俾阿媽捉走，就會連玩4次翻天飛鷹；坐我隔離玩跳樓機位小妹妹，只係剛剛夠高玩，但已經玩第2次。係佢地大膽，定係我細膽？

我同生地姐玩完過山車，再3人一齊玩摩天輪。
周生話只係唔怕摩天輪，我就只係唔怕跳樓機；結果我同佢地玩摩天輪時有少少腳震……

睇完海洋劇場，就坐纜車落山，去睇佳佳食Dinner。o係精品店以特價HK$14（原價HK$45）購得1套2個熊貓首日封，當年1999年我買o左其中1個都要HK$13.5 o架。唔通因為經濟比99年更差？
原本想去兒童王國玩旋轉木馬，但已經只俾夜場人玩，所以只好離場。

搭171到深水土步，去黃金對面間福榮茶餐廳食Dinner，好正o既牛仔骨同檸樂~多謝周生請客 X 999,999,999次~
飯後行返屋企，好好運動。

累，可能因為抽血後心血太少……又被嚇親……

我要檢舉

台長：金文泰