春田花花幼稚園校歌——眾學生
12:45 起身
13:15 落尖東站會蚊，再去天星碼頭搭船去灣仔
13:45 灣仔新鴻基KFC開餐
14:30 去到灣仔廖創興，手痕入永亨信用卡（連提款卡），查MPF結餘，結果令部ATM機突然變全藍畫面Hand機，要打去銀通，同打去永亨鎖卡，等廖銀星期一開機取卡交到永亨後，七個工作天內補發新卡
16:20 到銅鑼灣世貿春田花花新舖，慶祝佢今日喬遷；由於售貨姐姐認得我係舊舖時期客仔，所以唔使Show Membership Card都有八折（不過其實我本身都有春田花花同學會學生證，哈哈）
17:25 到灣仔東方188買"春田花花同學會"DVD連撲克牌，再到天星碼頭搭船返尖沙咀
18:45 到紅磡等蚊弟，蚊媽，蚊家姐同男友
19:00 到都會軒Food Court食飯
20:20 行去紅磡吉之島。o係吉之島SuperMarket意外見到一隻比電腦滑鼠小一半o既老鼠高速o係面前行過，嚇親阿蚊。
22:25 獨自步行回家
阿蚊話幾好玩，我又試試先：
01. 人地通常點叫你? 七叔，電車男，阿仔，阿傑，大灰熊，clementi，金文泰......
02. 一日會訓幾多個鐘? 5-13
03. 星期日鍾意留響屋企訓覺抑或出街玩? 出街玩
04. 你鍾意黃偉文定係林夕多 D ? 無所謂
05. 聽歌比較注意歌詞定係旋律? 歌詞
06. 用一首歌去形容你自己而家既心情: 心情好
07. 你而家有冇拍拖呀? 有
08. 你男/女朋友告白先定係你告白先? 一半一半
09. 你鍾意你男/女朋友多D定係佢鍾意你多 D ? 要平衡
10. 你覺得自己靚唔靚? 唔靚
11. 你係自戀定係自卑? 自卑
12. 你鍾意天長地久多 D 定係曾經擁有多 D ? 天長地久
13. 做錯野時你怕道歉嗎? 一時一時
14. 係咪成日都唔交功課? 唔係
15. 你覺得抄功課係錯事嗎? 唔係
16. 你最討厭既老師係邊個? Danuel Sun
17. 係咪成日遲到? 唔係經常
18. 係咪成日都覺得自己黑仔? 超級極之黑仔……
19. 有冇一個搞到你喊既朋友? 有
20. 做朋友,你認為乜野係最重要? 講心
21. 會唔會接受朋友對你既批評? 會，唔係有乜好講？
22. 如果你最好既朋友講左個好大既大話呃你,你會? 休息，大家分開o下
23. 試過俾人騷擾未? 有
24. 你覺得乜野係最令你煩擾? 無錢退休
25. 講一個你認為最有效既減壓方法: 食麥樂雞
26. 會考你拎幾多分? 18
27. 覺得自己能幹嗎? Never
28. 喜歡依賴定係靠自己? 依賴會舒服o的
29. 有冇成日拎住部數碼相機影相? 未買
30. 鍾意俾人影定係玩自拍? 兩樣都唔鍾意
31. 你部數碼相機係咩型號? 未買
32. 點解你會買呢部數碼相機? 未買
33. 你用緊邊部手提電話? Samsung P518 + Nokia 1108
34. 有冇諗住換? 未有$$$去諗
35. 近排做過乜野,令你覺得最糗? 早排竟然無胃口食o野……
36. 做完一件好糗既事後,你要用幾耐去忘記呢件事? 一世
37. 有冇邊種外語，你係比較擅長? 無
38. 你信唔信星座? 信
39. 你覺得自己似唔似你果個星座? 似似地，但我畫畫唔掂……
40. 你覺得蔡依林有冇特登扮濱崎步? 佢地係乜人o黎架？？？
41. 你有冇發過明星夢? 無
42. 你覺得自己有咩本錢去做明星? 無
43. 鍾唔鍾意唱 K ? 無所謂
44. 最鍾意唱邊個歌星既歌? 黎明
45. 鍾意幾多個人一齊去唱 K 呀? 無所謂，但必須兩個人或以上
46. 鍾意 NEWAY 多 D 定係 GREENBOX 多D ? Neway，o野好食好多
47. 點樣會令你覺得一個女仔係姣婆? 人地講係o米係o羅
48. 點樣會令你覺得一個男仔係扮型? 人地講係o米係o羅
49. 有邊個明星令你覺得佢係姣婆? 阿蚊話葉鏇
50. 有邊個明星令你覺得佢係扮型? 謝霆鋒，正廢人，人渣，社會敗類
51. 最鍾意既牌子: Nokia
52. 最鍾意既季節: 夏天
53. 最鍾意既動物: 青蛙同豬
54. 最鍾意既商場: 沙田新城市廣場
55. 最鍾意既明星: 黎明
56. 最鍾意既顏色: 綠色（但唔要帽……）
57. 最鍾意既電視節目: 財經新聞，大時代
58. 最鍾意既雜誌: 資本雜誌
59. 最鍾意既人: 阿蚊
60. 最鍾意既球隊: 足球：英超保頓；籃球：NBA魔術
61. 你妒忌心強唔強? 超超超強
62. 容忍到你的情人一腳踏兩船嗎? 唔得
63. 講出你既座右銘: 唔知……
64. 最常講既粗口: 唔講粗口
65. 講出你而家最想買既野: 阿蚊要o既叮噹錶
66. 你鍾意地鐵定係巴士多 D ? 地鐵，不過火車更好
67. 你鐘意普通巴士定係空調巴士? 普通巴士（平ｄ）
68. 你對ROAD SHOW有咩感覺? 睇又頭暈，唔睇又心癢
69. 你有最多邊隻牌子既衫? Baleno
70. 你有最多邊隻牌子既鞋? 隻隻都係一對ｗｏｗ．．．
71. 你用邊隻牌子既護膚品? 唔用
72. 你用邊隻牌子既牙膏? 高露潔
73. 你用邊隻牌子既洗頭水? 無所謂
74. 你用邊隻牌子既沐浴露? 澳寶
75. 你用邊隻牌子既 M 巾? 唔用
76. 你最肯花錢響邊一方面? 阿蚊身上
77. 而家面前係一個你好憎既人,唔該講句說話寸下佢: 唔識
78. 而家面前係你的夢中情人,唔該講句說話 lum 下佢: （你係我o既愛人就自然會知）
79. 邊句說話會即時令你嬲爆? 你已經破產……
80. 兒時夢想同現時理想,相差很大嗎? 是
81. 有生以來你做過乜野令自己最內疚? 仲未成功成立自己o既公司
82. 你信唔信有外星人? 信
83. 你覺得地球人叻 D 定係外星人叻 D? 外星人
84. 你鍾意董建華多 D 定係曾蔭權多 D? 曾蔭權
85. 你係香港人嗎? 係
86. 你喜歡香港嗎? OK喇
87. 為左香港既下一代,你會唔會聽曾司長講生三個? 唔會因為佢講，但想生更多更多
88. 你想你既婚禮點樣舉行? 擺酒行禮度蜜月
89. 你想去邊個地方度蜜月? 日本
90. 你試過「愛到要生要死」既感覺未? 有
91. 你試過響條街上面嘔到七彩未? 幾歲o果陣有
92. 你討唔討厭狐狸精? 討厭
93. 你試過遇上狐狸精未? 無，男o既唔算狐狸精
94. 講出一個折磨狐狸精既方法: 同上
95. 對上一次響條街上面仆親係幾時件事? 唔記得
96. 你覺得響條街仆親瘀 D 定係俾人響條街勁大聲響你全朵瘀 D? 響條街勁大聲響你全朵瘀 D
97. 你係男或女? 男
98. 你係邊個生肖? 豬
99. 你係邊個星座? 雙魚座
100. 呢個問卷係咪好好玩呢?唔好，因為都唔知問o黎做乜。
文章定位：
