某一年一班剛剛考完會考嘅同學約埋一齊唱K
流行曲唱到一半嘅時候
其中一位朋友問咗隔籬嗰位一個問題
喂你估嚇二十年後嘅今日我哋會變成一個咩人呢
……二十年後
大概終於會買咗嗰部好想擁有嘅汽車
但係仲有二十幾期要供
二十年嘞
應該轉過好多份工
識做嘅嘢越嚟越多
但係同時發覺學識越嚟越少
……大概響嗰個時候可能會有身邊嘅親人離開
而響嗰陣時你會有好多講唔出口嘅遺憾
同時間你會發覺原來人生已經過咗一大半
……同年終於結婚嘞
用咗半生嘅積蓄俾咗一層樓嘅首期
有車位有泳池會所
娛樂越嚟越多但係快樂越嚟越少
……突然之間你又諗起響二十年前
你係一個咩人
係嗰一晩
一大班同學約埋出嚟唱K唱到天光
仲記得喺嗰朝返到屋企嘅時候
打開門響檯面見到有一碗屋企人留低嘅湯
碗湯已經凍咗嘞
……細路哥你得到甚麼
你失去甚麼
你知道What are u looking for
【林海峰〈細路哥Ⅱ〉作詞及主唱：林海峰，收錄於其《三字頭》專輯，二○○五年】
人過三十，心情忐忑，林海峰今年推出的這張《三字頭》，眞是為我們這一代人而作的。三十歲，一個男人，以為自己會有成就，但是等了十年仍未有，眼看也不會再有甚麼高潮了，再捱下去，也是繼續做死狗。
聽這張唱片，一定得把自己的平凡看得清清楚楚，心情其實很沉重，但又要自得其樂，因為林海峰最終還是想你知足，想你笑。不過他的諷刺很用力，那份濃得化不開的中年情懷也令人動容，〈男子組〉讓人想到一班好兄弟，〈搞出嘢〉道出大家的無能，〈細路哥〉簡直是催淚彈，都令人感覺窩心又心痛。
以前我不會把林海峰的唱片看得那樣重要，他的“好”我是能預料的，因為我也是聽“軟硬”長大的，了解他的成長歷程。不過聽《三字頭》這張唱片卻是意料之外的感動，永遠年輕的聲音帶頭緬懷過去，我們如夢初醒，哎呀，回不去了，我們就這樣經歷了長大。快樂嗎？不安嗎？每個人都有自己的答案吧！
這篇稿寫於一年將盡之時，二○○五年，得到甚麼？失去甚麼？三字頭聽《三宇頭》，What are u looking for?
文章定位：
