原來已經返咗兩星期工.....不停的工作令我冇時間去諗幾時可以放假...結果就咁樣返咗兩星期。
自從上星期一陪泰國同學仔去玩之後﹐跟住都冇乜休息。每日就係專心搞個pos system﹐不過原來plan 一個system 出來係要準備好多嘢。要寫番舖頭每一日做嘅流程出來已經係好難﹐仲要係....原來真係可以去到好複雜。唔好以為小店嘅流程就只係一d好單簡的工作﹐自家合昌的折扣優惠已經令我頭昏腦脹。佢哋人手做就真係好簡單﹐但要將每一個step寫番落電腦﹐背後的程序係好複雜。
好彩﹐我而家係合昌e-revolution project 主管 ﹐負責同電腦公司去傾而唔係自己寫。但原來要好清晰去俾d電腦人了解我哋每一步驟都要準備得好充足。因為我都好明白果d電腦人諗嘢嘅方法。但作為一個讀過電子商業管理的專家而言﹐就係要避免以IT技術主導公司的運作。千萬唔可以俾佢哋去諗我哋會點樣用呢套系統﹐因為佢哋根本就out of the scene﹐絕唔會比我更了解公司成個流程。
所以呢兩個星期都係不停咁將每日每時每人會發生的工序流程寫低﹐然後再以電腦的知識去計劃個system 應該會點樣去run。咁樣係大大減少咗我哋同電腦公司的溝通時間﹐因為頭兩次見面佢哋都會做定個dummy system 出來俾我哋睇吓岩唔岩用﹐但跟住其實我哋都會講番我哋實際需要d咩。但而家就係我會寫晒公司嘅流程同要求俾佢哋﹐但用咩技術就由佢哋決定。
咁樣可以避免咗過份依賴佢哋日後去做支援﹐而且亦可以照顧合昌每一個員工唔需要從新去學一d佢根本未見過流程。咁亦係可以減輕training 嘅時間損耗。
係咪好勁呢?呢個係我第一個e-revolution嘅project﹐仲要係一開始就由我去in-charge。暫時都可以叫做handle到所有嘢﹐咁都係因為讀過呢d嘢﹐特別响warwick uni所學到嘅思考方式令我可以好有條理去plan。
其實warwick 呢段日子係學到好多嘢﹐只可惜我太早去嘗試呢個level﹐反而唔清楚其實當時自己未有呢個level嘅真正實力﹐後尾自己質疑自己﹐最終搞到而家呢個情況。
舊年嘅空殼clinton已經過去﹐而家嘅我開始填補呢d空隙.....不久將來定會真正咁再去讀個master番來.......
文章定位：
