七言絕詩 - 打工眾生相＠失落的場所

2005-12-15 20:44:15| 人氣396| 回應0 | 上一篇 | 下一篇

七言絕詩 - 打工眾生相

推薦 0 收藏 0 轉貼0 訂閱站台

看更原來識雞腸,掃地都要寫文章;
學士碩士唔馨香,因為博士都在場;
人工一定唔理想,七仟左右已中上;　
十二個月無雙糧,兩年合約要裝香;
半年之內有工返,已經算係好收場;　
開工應該喜洋洋,點知世態更炎涼;
管理就係咩都理,萬人之下一人上;　
資源增值好榜樣,以為發揮你所長;
光管燒左等你換,影印食紙你當殃;　
電話唔通關你事!水廁唔通你清場;
電腦壞左要識整,發現病毒要早響;　
食飯最多半粒鐘,大小二便難舒暢;
中港兩地四圍走,遲早去埋阿富汗;　
仲要出街收爛賬,朝早做到午夜場;
公司人事要攪好,唔係就李代桃僵;　
對待下屬要讚賞,對住上司要讚揚;
對待同事要禮讓,對住老板扮羔羊;　
老細個仔問功課,資料搜集你擅長;
芝麻小事理埋佢,唔識都要頂硬上;　
上司老板夠無良,病左都要去體諒;
同事犯錯你有份,仲要鬧你正粉腸;　
開會猶如打靶場,比人插到迫啪響;
翻開肚皮睇全相,鬧完仲要拍手掌;　
工餘進修咪妄想,回家食飯無相量;
想話請假黎休養,老細成個包公樣;　
晚晚加班做七日,唔通個個嫌命長?
日日返工似喪屍,十足幾年無沖涼;　
大假以為好安樂,手提電話日日響;
運動要係公司做!逐箱快勞搬入箱;
老細生日當娛樂,週年聚餐齊歡唱;　
笑臉迎人裝模樣,當正自己做歡場;
以上所講無誇張,全是打工眾生相;　
奉勸各位打工仔,積極求存為至上;
年尾流流高危日,偷懶都係咪咁揚;　
香港打工係咁樣,大聲疾呼吹Ｑ漲！

我要檢舉

台長：鍾意肥人的傻四

您可能對以下文章有興趣

借鑑

雙面人

開會

人氣(396) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 工作漫談 |
此分類下一篇:投訴!
此分類上一篇:Case Study: 三個女人一個墟

回應(0)