因为早两个星期我发生一些小意外，所以已经绝迹球场近半个月，冇波打嘅日子真喺好似全身被虫咬咁，周身唔自在。为免伤势加剧，所以都很乖呆家里发霉生蜘蛛网。在我冇出现在球场这段日子，我发觉我啲波友都很挂住我，纷纷慰问我几时可以出嚟打，我百般无奈地对他们说：“我知道没人切你们唔安落嘅啦，俾多一个礼拜我闭关啦。”吸尘机大声夹唔准在电话里头话：“闭你嘅X啊，整天唔够人打啊，出嚟行行企企做吓布景板都好，你知唔知冇你我们少咗很多欢乐啊，出嚟啦！”我坚决地对吸尘机讲我还有天外飞仙仲冇练好而拒绝咗佢，最后吸尘机都讲番啲人话叫我多休息。
拜五那晚我终于可以出关去打波啦，虽然功力还没有完全恢复，但喺可以在吸尘机面前拿分我已经很安慰。再打多两三次那个球感应该就会番晒嚟嘅啦。大伙儿打完波后循例坐埋一起吹吹水，隔壁阿B仔粒波已经俾我们打到冇晒花咗(花纹)，所以我提议大家夹钱买粒新波，话口没完，大家都表现出前所未有嘅齐心一致举脚赞成。大家喇喇声每人拿十皮出嚟交到我手中，转眼间已经有百一块，兼还有三条盲炳仲冇俾钱我，所以一共有百四块。我循例问他们喜欢乜嘢波？他们话中有话的对我说：“波你至在行嘛，你揸注意得嘅啦。”
我们做嘢要快，星期六放工后就去搜索我嘅心水波。致电俾闲人问佢乜嘢波好打。(因为闲人有时常出赛，所以阅波无数，问佢包无一失。)最后我入手咗MOLTEN GG7型号，老细见我近三张仲抱着一股对篮球嘅热诚，所以打八折半俾我，收价RM120。我睇老细年近70，后生嘅时候都有吃过夜粥，我们识英雄重英雄的勾肩搭勃闲聊了起来。
回到家后我发晒诱惑讯息俾波友，大意如下：今晚波波之夜，要试手感如何请出现。我算一算还有20块剩，我将那些钱用来买晒100号，好让大家有新波打之余，仲有汽水饮tim，哗真喺开心啊。
在球场上是有一些习俗的，就喺新波第一次投篮一定要进，这样才会好意头，当晚我为万无一失，我走向篮低擦板弹进，哈。还有另一个习俗就喺你穿新鞋落场的时候，场上每一个人都会用他们的旧鞋踩你嘅新鞋。意即你不会拗柴。当晚大家都对这粒新波表现出特别兴奋，(男人任何天候都会喜欢任何一种波)个个都很卖力的打球。因为新波关系那些花纹质感特别好，质感好手感自然好。那晚过后我心中那团火又再次因为这粒新波而烧到嘭嘭声，我想以后大家出现在球场的次数都会频密了。
文章定位：
