菜巿場裏的愛麗斯。 希望所有事情盡快解決。

524愛的鼓勵 0訂閱站台

宿舍十大惡人

前晚吔完飯返嚟宿舍見到個 Broad 上面貼咗張圖，就係話有人用膠紙黐住兩個十蚊銀放落去洗衣機前推式投幣器，等洗衣機啟動後將個膠紙連同銀仔扯返出嚟，嘩、好勁呀啲女人、咁低裝o既嘢都俾佢地諗到!!! gorgeous 呀!!!洗衣機壞咗o既原因就係今次個女人失手扯唔返銀仔出嚟。另外成日都有就係啲人洗衫唔用個籃/ 盤放喺度，啲衫洗完又霸住個洗衣機，成日要人地幫你搵個盤洗淨裝啲衫上去，我真係唔係好想掂其他人啲衫，總覺得好核突。有次晾咗衫唔記得放返個籃喺乾衣機前面，記得嗰陣我啲衫被掟到乾衣機面!! what the hxxx is going on ??? (>口<)/ 好彩嗰日掃地阿姨有抹個個乾衣機面咋!! 舍監話有個女人明明係霸住啲衫唔攞大冇盤，有人攞咗出嚟放喺洗衣機面，個女人無良到攞包杯麵啲調味粉加麻油倒落嗰堆洗緊啲入面!!!!明明唔啱仲要發惡，好衰呀!!!!!

惡女橫行

有啲真係好衰o架，話過唔好將杯麵啲調味粉/ 啲三合一個package 掟落洗手間啲垃圾筒，跟住又搞到洗面個槽/ 飲水機好多麵碎喎!!!!!有啲女人掃自己房啲頭髮同沙塵出走廊旁，連掃地呀姨都話「啲小姐呀...」。

偷衫偷衣架閂門好大力講電話霸住個電視機煲碟好大聲嗰啲真係可以叫雞毛蒜皮，用完洗手間唔沖我幫佢沖、用到個公共洗手間好污糟(制水大家唔識得用地下水喉裝水沖)未嘗拎起個水喉逐格洗過，仲要被路過的某女人話做咩咁大灘水...啲人就係識得話宿舍洗手間污糟，從來諗過要小心用...

連下面垃圾分類個牌同點分，阿姨用彩色筆仲用埋圖示啲人可以亂掟嘢；明明有兩個垃圾袋用嚟裝不用分類的垃圾，啲人剩係識向其中一個掟垃圾，「玉智」o架!!!!

我成日都話呢邊啲人唔識教細路仔。當佢地做女嗰陣父母都冇好好咁教，一味得個縱。當佢地為人母先知原來咁慘但係又繼續縱，真係唔知想點。我剛剛搬嚟呢邊發現呢度啲人連送個細路上宿舍都要幫個細路打掃個房間，阿爹阿娘忙到隻「積」咁打掃個女仔就坐埋一邊食雪條!!!GOSH!!!!!!小心俾雷劈呀姐姐仔!!!!!跟住舍監又爆啲勁嘢，以前有個讀醫o既女仔要退宿(我地宿舍係規定每一學期都要執好啲嘢pack好佢、打掃好間房裏外後叫舍監/掃地阿姨幫我地check out*) 嗰個女仔冇打掃好，佢阿媽就嚟嘈話「呢啲嘢我個女做o架咩? 我個女第時做大醫生，點解要佢做呢啲嘢，叫掃地阿姨做囉!!」如果我當時喺度我一定同處理當時買書個非特區人師奶咁對峙!!!!首先同佢講：「原來你地做到大醫生都咁勁，識醫人連國文都唔多識，咩『修身齊家治國平天下』、『一室之不治何以天下國家為都唔識』，可悲呀。係o既話等妳個女考到醫生牌先算。」

CDSJ喺我地小學就教我地，掃地阿姨請返唔唔係要幫你掃垃圾。我覺得好有道理。同埋「一胎化」造成的惡果就係咩都嬌!!!屋企冇錢兩公婆搵唔得多唔好咁緃啲細路啦!!!我覺得人不應嬌生慣養，特別是窮人。冇錢唔好學人嬌!!!你越縱佢越嬌棧佢第日「一條冷」唔識得照顧自己，梗枉論第日結婚咩都唔識做照顧家人都唔識，生細路又唔識湊再嚟個惡性循環啲細路又係對社會毫無建樹。麻煩大家第日做咗父母諗吓，究竟教啲細路學呢樣學嗰樣好(學得多唔一定好)，定係教識佢點待人處世、如何照顧自己、愛護別人緊要呢?


*好幾次差啲飛個紗窗落街，又或者自己差啲碌落去。