老實說，廿歲人還要高考，內心實在很慚愧。(不用對我說那些安慰說話或恥笑說話，it doesnt work.)
不妨再告訴大家，小弟上年是絕頂戇鳩地在中文文化聆聽卷上，遲大到，去到的時候只有十五分鐘作答，小弟只聽到：「現在有十分鐘最後整理答案時間...」，屌那媽。(最後文化卷成績又唔太差咋喎！其餘幾份卷都考得不俗，所以能補回些少。而且，這次失誤影響不到小弟之後的考試情緒，神眷顧！)
很多人聽見小弟竟然如此大意時，責備、嘆息、恥笑、無言等八千多種感情都表達在小弟面上。其實，小弟不是不緊張高考，反而，小弟是他媽的緊張這考試。小弟看了那張准考證十萬次左右(請相信我)，依然看錯時間，小弟相信上年的確有人向我下了降頭。
今年，又要再走入試場，自己心知沒有上年那麼有幹勁和魄力，但還有的就是那團「火」，和自己仍是一個燥底的人。再添一樣，就是小弟今年頭腦冷靜清醒了很多，這是自己深深察覺到的。
小弟記得上年放榜那天，成績不上不落，哭笑不得，真的「乜撚都唔想講」。唯一想講的是，在班房內搞風搞雨的同學，無一個全科合格，小弟心中覺得：「好撚爽」。再加上他們的哭聲和流淚的表情，小弟非常賤格下流無恥地打從心中說：「有前因必有後果，講咁多是非，唔合格就你地預左。」當然小弟最後都考不進大學，也沒有甚麼資格笑他們，慶幸的是，小弟全科合格有突。
家人的反應就是：沒有反應。那時跟家人關係不好(現在非常好)，所以沒有跟他們說甚麼。之後這一年等候重考的歲月，他們就慢慢露出本色，譏笑、暗諷、冷嘲，不過不要緊，八月小弟要他們吃屎。(純綷發洩一下)
為了不再重蹈覆轍，小弟已分發准考證檔案給予十多個朋友，再致電了一位同屆師弟做人肉鬧鐘(可能考每份卷之前，小弟要接一小時電話)，今年，如果再仆街，小弟自刎以應天命。
高考，小弟真的好撚討厭，三個小時不停地寫，寫乜春！最諷刺的是，小弟討厭之餘，咪又係要考，講咁多真係嘥氣啦！而且，收到准考試的時候，真的好撚驚，萬一又考不進，真係冚家富貴。
唉，唯有講句：「屌那媽！頂硬上！」
高考時間：
12/3 5:00 p.m. 準備中國文化口試
K.O.!! Really great performance in my group and myself.
口試試題如下：
個人短講：石頭的願望。
真係好無聊，考評局點解可以經常出一啲扮曬可愛的題目架？香港高考港女化！妖！我開頭睇到就O左嘴，擺明想整屎我啦？頂佢個肺！
當然憑著小弟僅有的聰明才智過關，內容咪話有時下幻想呢個世界有三種石頭，有上進，有沒有志氣，有只愛玩樂的。後來盡能力扯去「人」的範疇，呢個世界一樣咪養百養人囉，(結尾唔多想提，自己都覺得好核突)自己想點咪點囉！
小組討論：賀歲年間，長輩都會派紅封包給後輩，後輩又應該怎樣表達賀歲的心意予長輩他們呢？
開頭個兩件考生，都只係話送禮同埋做小禮物，咁小弟咪試下補充，都要睇下後輩係幾大至得架，以我為中心，舅父是婆婆的後輩，外娚是舅父的後輩。如果係大人，做乜唔買貴啲呀？如果係小朋友，五歲以下，可以做乜野小禮物喎！跟住就分左做上班族，學生族，和低B族囉！
然後班考生就扮曬野好認同我講法，又話「我好欣賞你」「你講o既野真係好好」，妖，實際啲啦！
後來班考生表現出，「吹水吹到爆肚，低能又厚度」o既態度，小弟真係極度讚賞他們的表現。(實際啲啦！)
例如：
佢地又話做粵劇，合符老人家心水；(我話會唔會太麻煩啊？又袍又珠釵又簪咁？)
又話自己煮餐飯，好吃又有心意；
又話返大陸旅行，內地新年賀歲氣氛很濃厚。
總之，佢地o既表現非常好，我地呢組無死喇！
而小弟就講話，譬如今年豬年，咪取其豬字諧音，(小弟本人都好憎個啲用個諧音就以為好有意思，好得意個味野)「珠光寶氣」囉！先整啲玻璃手飾，然後同公公婆婆講，話唔定第時孫兒送鑽石呢！(送條毛！)又話小弟鐘意睇有關穴度(唔該唔好諗邪野)o既書，咁咪同他們講，初一至初七，邊日會風濕，就打俾我，我同你按摩囉！又話小朋友唔識太多野，咪叫佢老豆老母教佢地寫文章，(個考官笑鬼我！)表達對長輩的感激之情囉！
唉，簡言之(講咁耐先簡言之？)，表現不俗啦！
真的謝謝各位鼓勵，小弟考試前祈了十次禱，腳震震，無左以往個種大將之風(咁我都知不嬲都無)，但係，憑住小弟痾完尿，深呼吸，就冷靜左落黎，真係，「掂」！我盡左力(通常考得好o既人，係唔會講呢句說話。 )
30/3 07:00 a.m. 準備中國文化筆試，同場加演下午文化篇章
我盡左力(通常考得好o既人，係唔會講呢句說話。 )
31/3 08:00 a.m.準備中國文化聆聽！！！(八點呀！！再以為一點十五分後就自刎啦！！)
準時到達，考得唔錯！我會謙卑做人，不會自高自傲的！
18/4 07:00 a.m.準備中國文學
圓滿結束，等放榜了！
相關圖片：
袁崇換碑下振奮軍心的軍呼
小弟張准考證
袁崇換碑下振奮軍心的軍呼
小弟張准考證
文章定位：
