首先，我已經好耐無用過背景歌曲連結，所以我唔怕FBI聯邦密探；
就算我用，我都係會用合法的背景歌曲連結，吹咩？
我睇唔過眼在於，佢地唔鬼清楚條款，就走出黎打鑼打鼓話拉人，食屎啦！
夠薑就拉曬所有引用過歌曲連結o既用戶，我食住花生等睇戲！
你地國際唱片協會既然要搞事，不如整頓下黑暗o既娛樂圈，拘捕抄歌o既作曲家，警告求其填詞o既作詞人，打擊唔識唱歌o既歌手，檢控上台「咪嘴」o既表演者啦！
頂你個肺，香港而家咁多得閒機構無野做！我同你講，離境口岸唔夠人堵截內地孕婦呀，你不如去個度阻止內地孕婦落黎生仔走數，恃住個仔有永久居留權就拎十八年綜援o既仆街啦！
最後一句：IFPI，拉我丫笨！
--------------------------------------------------------------------------------
資料來源：
香港經濟日報 - 網誌背景音樂 IFPI今年嚴打 (2007-01-18，社會要聞，A20)
香港經濟日報 - 歌曲夠舊可免責 (2007-01-18，社會要聞，A20)
案內人隨筆 - Uncut Version - 日本唔加息 開始尋寶
據香港經濟日報表示，繼上載歌曲檔案後，國際唱片業協會 (IFPI) 今年將重點打擊網誌背景音樂的侵權行為，會有專人24小時監察，並會向侵權網誌負責人發出警告，若勸喻無效不排除作出檢控。同時，IFPI 亦提出會考慮設立網站，提供合法於網誌使用音樂的渠道。發言人表示現時傾向免費，但又指出「終極原則仍是付費享用」，以及沒有說明會否附加 DRM 或刪短樂曲。
關於此行動，有大律師提醒市民，以現時香港法例，只要作品創作人死去超過50年，版權保護就會失效，網民可以隨意使用。同時，如果網民使用的音樂長度極短，無法分辨音樂來源，則可令版權持有人難以訴訟。
此行動最令人費解的是，IFPI 真的認為聘請專人 24 小時監察全港網誌，繼而發警告信甚至檢控，真的合符成本效益嗎？還有，如果 IFPI 真的會設立合法免費使用音樂的途徑，那麼現在花人力物力來監察及檢控又有何意義？
轉載自：
http://intellectualproperty.wordpress.com/2007/01/21/ifpi_monitor_hk_blogs/
