謝師宴，無聊幼稚。
謝師宴本意在謝師，卻變成了一個讓(戇鳩)學生們出位的好場地。
你可以說：你小人之心度君子之腹啫。
我會答：你邊位呀，識你老鼠咩？我咁得閒猜度你做乜Q呀？
以往在背後罵老師不教考試策略、上堂吹水、唔知佢講乜的學生，竟然可以誠懇殷勤地去籌備謝師宴。
平時點對老師？你們可以放學唔打招呼、經過當睇唔到、在背後圍個小圈子，十八回合批判擂台，最後，可以違背良心說辦這個宴會是為了慰勞老師？咁睇黎之前你們的行為是我看錯了，原來是出於「愛之深，責之切」啊！
搞咁耐做乜？說穿了，咪又係想出位，俾人知道你有份參與大製作囉！好威啊！有份一齊搞個「紅人show」，你又上下台，我又上下台，反正大家夾幾百蚊，唔上咪好蝕底？
有人辯駁：謝師宴是一定要辦的，很多學校都有辦。
我答：你都戇居！很多學校都有辦就一定要辦？那麼是否代表，很多人鐘意呃綜援，所以綜援是一定要呃的？
不單如此，更強迫人繳交費用，不肯就範的，就來個集體杯葛。比幼稚園學生還要幼稚，比豬氹兜還要更豬氹兜，比港女還要更他媽的野蠻。
老實說，謝師，我非常樂意。但係，我點解一定要將筆錢交在你地班仆街手上去表達埋我個份敬師的心意？我鐘意將筆錢逐個逐個同老師食餐飯唔得？我唔撚鐘意因為順便，而搭單係你個「紅人show」上，貼錢俾你地出show喎！況且，拎屋企人的錢去謝師，係你謝師定係你老母謝師呀？慷他人之慨，這是那門子謝師的手法呢？
又要強迫人穿恤衫西褲，又要指引人穿性感晚裝，還要冠個美麗謊言，「得體」！這種得體，好聽的叫得體，不好聽的叫「充大頭」。這種他媽的得體，比起紂王無道，武帝貪功，更不知所謂！乜一個人得體與否，是要憑其衣著上去斷定嗎？假設真的要在衣著上斷定，T恤牛仔褲一定是不得體嗎？
預期說謝師宴是為了謝師，倒不如真心話你地想一圓演藝夢重無咁谷鬼氣！
唔好唔記得，你地係學生，只要你地讀好書，考個合格，老師都感激你地唔打爛佢個飯碗啦！如果你地生生性性，到左吉日，老師們重會自動自覺斬隻雞，燒隻乳豬去拜觀音謝佛祖添！謝師？返屋企幫阿媽洗廁所啦！無撚聊！
題內話：
其實老師鬼得閒稀罕你個餐謝師宴咩，食物又唔係一定好，禮物咪又係日本城買得到！搞得好都話算數，搞唔好，真係悶過聽俞崢係商台頒奬禮過場講葵花寶典架！
佢地又唔敢唔投入喎，費事好似好落你地面咁，你地得閒就過黎當佢地係人扮卡通公仔咁影張相，笑又唔係，唔笑又唔係！但係設身處地，佢地成晚咁樣戇居居，可能重慘過訓推填區架！
況且，謝師宴鋪鋪都係老師自己痴痴呆呆，坐埋一檯。大佬呀！老師同老師都可以有爭執架，話唔定跟不咬弦的同事坐埋一檯，佢就真係多謝你地班明星唔少囉！
諗深一層，謝師宴啲錢咪又係家長荷包出。咁搞法，咪即係老師夾硬屈人請食飯？唉！咁就真係含冤莫白囉！事關一來又唔係佢地屈，二來係你地屈完家長，整到好似佢地屈咁，食左都背脊骨落啦！
其實你地搞場表面化o既謝師宴，老師們就寧願你地慳啲錢去蒲夜店喇！真係好心拜託下，唔好再懶係好心，跟住做壞事啦！
文章定位：
