言論自由，為香港建設了無數幽默句子的空間。
香港地，別以為只有周星馳、黃子華，詹瑞文是笑匠。不論你是高層或是低層，是奴才還是富翁，是孕婦或是不舉之人，都有資格參與其中，為香港創造幽默歷史。只要你稍花心思，明天成名，絕非奇想。
今天，香港有特首，教統局局長，內地孕婦和內地男人努力創新，在單天新聞上，成就了最多幽默句子的時段。
曾蔭權：「我會做好呢份工。」(哈哈哈！對唔住，我真係笑到仆左落地下！點解？點解？口號係：「我會做好呢份工！」咁同學生會選舉時口號為：「你地o既學生會！」有咩分別？
天呀！天呀！天呀！內容空泛，全無意義呀！重要用廣東話寫中文呀！中文滅亡了！以後政府文件會變成廣東話世界，警察機密文件就會係面頭寫：「緊要到死o既文件」、幼稚園教育政策就會寫：「個班o靚仔o既教育政策」、內地孕婦來港指引會寫為：「班大肚婆落黎時o既指引報告書」。哈哈哈！我會做好呢份工，特首先生，無人有你咁陰功呀！)
李國章：「我都告訴過你，明天才吹雞嘛！」(李國章份人真係好識搞笑！繼幼稚園學卷制議會上說：「唔鐘意唔好搞o羅！反正我重有三四個月就唔駛做！唔好搞o羅！」又另一經典傑作！哈哈！吹雞呀！黑社會呀！好驚呀！大佬呀！你局長黎架，船頭尺岩岩先俾人投訴呀，你唔驚咩？吹雞呀！走鬼呀！14J頭目話：「喂，各位話事人，我條o靚李局長話聽日吹雞，你地記住準時到，聽日我地會帶定架生去包圍君悅酒店，然後大嗌：李局長，加油，李局長勁抽！」李國章，市井流氓李局長呀！)
內地孕婦鄧太：「我老公都有納稅。」(你老公有納稅，煙酒稅定搏彩稅呀？勁呀！你老公係大陸納香港d稅，除左遺產稅我諗唔到係乜？重有，你都識講香港係你老公納稅啦，關你Q事咩？你個老公係咪假結婚返黎架？岩岩坐左監喇喎！哈！唔好o翕得o翕啦！香港o既言論自由，唔係吹水自由呀，你老板！哈哈！但我聽到都笑到跌渣！)
內地男人：「就是加費，又不可分期。」(耶！香港係咁架啦，唔鐘意唔好落黎生o羅！生仔就全套計架啦，分期？你個仔分四期生得唔得呀？我幫你斬件然後送埋出世紙又有咩所謂！哈！分期呀！分期生仔！分期生你個仔呀！)
文章定位：
