我，在現實生活與網上世界以兩種模式活出自己，前者以尊重，後者以感覺。(即係人格分裂
o羅！)
這不是我虛偽，而是，我懂得做人。(呢個世界好多人都懂得做人，很多人選擇做賤人)
懂得做人，即是虛偽。
我申明，我不虛偽。(明唔明我講乜？)
現實生活需要尊重人，因為，你們認得我。我不想在某一天我老實告訴你，你樣衰過八兩金，(縱然我尊重你，但這可能是事實)然後你生我氣。朋友生我氣，我會去求饒，道歉，務求令他下了那時那刻的火氣。(真係契弟！)可是，不知為何，不是朋友的也以為自己可以生我氣。結果，他一直留意我何時走向他旁說聲抱歉，我卻一直雙眼看著他，等他說一句：「你說得很對！」(即係乜？即係我唔Q會同你道歉o羅，八婆！你o都長個嘴我都係唔理你架啦！返屋企同阿媽扭計啦！)現實就是這樣，你根本就想指著旁邊的女人說：「你所有東西都是LV，為何妳要用特惠車票？」但是，你卻要裝作看不見，(唔出聲已經好尊重)一來她炫耀財富，你看她，她會沾沾自喜，所以你要裝作從未察覺；二來是在大街大巷中，故意讓陌生人誤會你是不認識她的。現實生活需要和諧，所以你要懂得做人。我很討厭以這種模式活著，但現今社會的人，器量狹窄(我就係有口話人無口話自己o羅！拿！要改喇！)，經常胡亂猜度人，說是講非，你可以怎樣坦誠待他們？我在中六的第一天，已經有人可以指著會考最高分的同學來罵，把她每一句說話也抽秤出來，又罵：「這樣也是精英？」「書呆子！只懂讀書罷了！」他的行為有問題，卻不是問題癥結所在。更重要的問題在，這個世界有人聽他說歪理。香港是一群擁有最高「反智思想」比率的民族，所以，現實的你，為了不被排擠，你就要懂得做人。(即是：「你要埋堆。」)
網上世界中，我大多不尊重人(尊尊相重何時了)，因為，你不認得我。我很高興在我指出你又肥又矮又騎呢後，你生氣後，在我留言板上罵我千萬句祖宗姨媽叔伯兄弟的髒話，然後，我回味千遍。(我真係好鐘意睇人鬧交的！)反正，你除了做這些事來否認事實外，也沒有甚麼東西可以做。當然，我說話是負責任的，每一番話我都思前想後才說出來，絕非全部都是人身攻擊。網上世界最令我感興趣的是，那小小的真實。很出奇吧？網上世界有真實的地方嗎？我告訴你，是有的。至少，在我所有文章當中，我每片言字句都是至誠的心底話，不造作，不虛美。(如果你連上網都做唔返真正o既自己，你真係好悲哀！一係你覺得自己好高貴，一係你完全無自信！前者我勸你收皮啦，[因為自以高貴的人，點講道理都無用，佢都唔Q聽你講野，所以我通常會叫班高竇o既人收皮，的確，佢地唔收皮都無乜野好做！]後者我勸你多點參加群體活動，即係劈友，吸毒，圍毆等等)網上的我，才是理想世界中的我。我不想天天對著裝作笑面迎人，呸！不高興還要向人示好，自己都想摑自己一巴！有時，看見別人四五六個人圍著圈，熱哄哄地數說，攻擊別人時，我真的想反檯！怎麼樣？有種的自己在那人面前「攤牌」，鬼鬼崇崇，好像說每一句都有道理，人家不在，你說人家娘子當娼妓也可大條道理，反正人家又駁斥不了。網上世界，我不退讓，幹甚麼還要看人眉頭眼額說話？說話要看著別人嘴臉就不是說話，那是窩囊，那是烏龜。(唔好濫用呢個定理，講野有道理先唔駛理人嘴臉，如果你不嬲講開都係廢話[即係我啦！]、歪理、以權力壓人咁你就唔該摺埋彈Q開！橫線上詞語請參看文末註釋。)
你如果真的認識我，我是一個甚麼事也罵他個七八滿堂紅的難纏傢伙。(所以我又成日俾人鬧返轉頭，吳鎮宇教o既：「出黎行，預左要還啦！」)假若有一天，你懷疑我在以官腔說話，你不妨對我說：「不如你講真話啦！」我，一定會對你刮目相看。
最後，無論是現實生活或是網上世界中，都是我。(即係o個個尖酸刻薄，上車唔落，無事頻撲，食飯用獲的賤人[請跟著讀，好押韻架！史兄教橋，無人不曉！])
註釋：
廢話－「麥當奴雞批真好味呀！」(你想人俾咩面口你？)
歪理－「拿，仆街又係人，你又係人，咁你咪係仆街囉！」(你係咪想仆街？)
以權力壓人－女朋友問你：「我係咪好靚？」(靚過隻豬o羅！)
「我整個蛋糕係咪好好食？」(好食過舊屎o羅！)
「你愛唔愛我？」(愛...你D錢！)
「你第時會唔會同我結婚？」(你有無附屬咭俾我先?)
「我淨係想你聽我講野！唔係想你扮專家俾咁多意見呀！」(咁你對住幅牆講啦！)
男朋友問你：「我出夜街又點？我話左唔會去蒲架啦！你係咪唔信我呀而家！」(擺明唔信你啦，爛癱！)
「我同第二個去街，係咪代表唔愛你呀？」(我同第二個性交，係咪代表我唔愛你？)
文章定位：
