Ｎａｔａｌｉｅ 請給我一點溫暖~!

82愛的鼓勵 0訂閱站台

最近放大假，又岩岩考哂試，係屋企好得閒，於是開始諗埋啲唔等使既野啦！
愛情係咩？開始唔係好明白～

每次遇到既人都唔同～但最唔開心既係咩呢？
有人愛我比愛自己多，對我無微不至，愛顧有加～係佢身上我明白咩叫愛，或者係愛一個人應該會點表達自己，令到我再遇到愛既時候，懂得表達～不過有人比我更適合佢～
有人為我付出很多很多，明知冇可能，但都不斷地為我而努力，我承認我係因為太唔開心，所以想係佢身上得到一啲安慰～我係對佢最唔好～

唯一係佢愛我，愛得可以為我改變，同佢一齊既日子佢真係為我改變得最多，亦係最就我最忍耐我既人～雖然佢對將來既睇法同我唔同，但其實我心底入面介意既只係佢既一個答案．好清楚佢忍耐我既程度係冇人可以做到，因為而家既我已經變到好任性，亦只有佢先識得點同我相處而我係唔需要改變～你好好，對我真係好好！

如果同一個人一齊唔開心既話，點解仲要繼續呢？我可以忍耐可以改變，但係唔會接受一個人對我冷淡對我冇耐性～當我唔開心既時候，我真係好需要人關心我，而唔係扮唔知扮無事～當我受傷後，我需要既唔係一句對唔住，係實質既行動，並唔係我接受左道歉後，就代表我既傷口可以復完。所謂既行動係比從前對我更關心，更著緊我，令我可以確確實實咁感受到對我重新既愛！愛一個人需要勇氣，我既勇氣好似慢慢咁溜走～

感覺已經好似係朋友～曾經愛得好深，只係幾個月時間，轉變得好快～係大家都太過兒戲？對呢段感情好認真，好努力～好努力令不可能變可能，只係唔係我一個人可以決定既事！因為小事爭執而想到放棄，好質疑自己既地位更質疑她的地位～我冇信心，再冇信心可以行落去，但更傷心～由一開始我地已經不被看好，而家只係應驗左事實既真相！呢一刻仲係愛我，但我心入面好清楚到底有幾多～好坦白講，而家做既只係表面功夫，我可以感受到～嗯，可唔可以回復到以前咁，唔使我講，時間會證明一切！但時間亦可以令感情變淡，可以令一個人心死！

我開唔開心到好啦～生活一樣係咁過既！好早開始已經明白一個道理，就算結左婚都可以離婚，雖然係明白但依然相信結婚先會擁有幸福，當然對象一定要愛你啦～有啲事發生左，即使有幾唔願意都需要接受既！我好明白～