尋日亞van去最後面試，佢準備功能做得好足，最後佢都係得左！我梗係好開心啦～佢自己都好緊張，不過原來佢上次體能唔合格，下星期一又要再去考多次。真係一波幾折，搞到佢好擔心，因為佢呢排冇繼續練體能，肥左好多。佢之後去左做占，夜晚同我去食飯慶祝！見佢好累，所以我地好早就走啦～
本來一聽到佢話考到，我真係好開心，因為佢應承左我話得左就會返我屋企食飯！真係好期待我爸爸媽媽知道左會有咩反應，希望佢地會認同佢，我更加想佢之前同我講既野可以兌現到。但係佢又話想等下個星期先喎，等佢真正得左先再黎喎，或者佢真係好大壓力，我應該體諒佢既！
呢排公司忙住搬野呀～由八樓搬上二十一樓，本黎覺得都唔係咁大工程既姐，點知好似話要我地星期六，日都不得止，仲要我地復活節返埋添，但又唔係我地自己搬野，要我地返做咩喎，幫人喎，咁我地搬果陣又有邊個幫我地呀？真係過份，諗住復活節可以去玩玩架嘛，去澳門行下都好呀，我都未試過自己去果度逗留耐啲既！真係好期待．．．希望真係唔使返啦！
同joyce好似多左嘈交咁，係因為我開始唔鐘意佢成日話鬧我定係因為佢講得太多真心話呢，令我唔岩聽呢？不過聽到佢一句，真係幾心淡，或者我對佢既事都唔需要過份熱心既，佢話我咪做，唔講就唔好咁多事啦～真係唔成日為左啲好少既事而成日同佢嘈！可能又因為佢真係太唔鐘意亞van，成日講佢壞話，我唔岩聽掛，哈哈．．．算啦！佢始終都係我好好既朋友！joyce都話得我岩既，開心就開心，想就想，唔應該扮。我扮冇野係因為我唔想成日比佢串，因為我覺得我講比你聽係想同你分享，而唔係為左比佢串，我只係介意佢將我所講既野用黎掛係口唇邊既笑話。我想佢專重我既決定，作為朋友咁支持我，既然我都決定左！我從來都冇怪過佢，知道佢講每一句說話都係真心既，係為我好既。我亦都係真比當佢係我交心既真朋友，所以亦想佢體諒我多啲，支持我做既野！
星期六同美美去食蕃茄麵，真係好好食，簡直係久違既味道！好開心，又可以同美美，家華，亞霍一齊係果度食麵～佢地幾個都真係好錫我，個個都真係當我係妹咁，食又預埋我，玩又預埋我，好感動哦～.～ 佢地仲約埋我五月中一齊去澳門威尼斯人玩兩日一夜呀！我如無意外都會去既～又一期待！！蕃茄麵加牛油蜜糖脆脆，正！！！
文章定位：
人氣(71) | 回應(0)| 推薦 (
0)| 收藏 (
0)|
轉寄
全站分類:
不分類
