24h購物| | PChome| 登入
2008-02-01 23:44:39| 人氣83| 回應1 | 上一篇 | 下一篇

想長眠，好凍！

推薦 0 收藏 0 轉貼0 訂閱站台

尋晚佢上網，所以我又同佢傾計，但好似又搞到一獲泡．．．我諗佢唯一想我講既野只有一句’對唔住’但我想聽既又點會係呢句呢？佢終於都寫日記啦，佢公佈左我地分手既事啦，我而家計較既都已經唔係付出多與少．做完一件好傷人心既事，再同我講冇諗到呢件事會對我傷害咁大，嘜唔係應該做之前就要諗清楚架啦咩？因為佢冇考慮過我，係既，如果唔係佢唔會做呢個決定！限期，只要我可以做到決絕啲，我就可以過得好啲．既然佢都可以做到咁絕，咁我亦都應該對自己狠心啲。

呢兩日都好凍呀，真係頂唔順！今日忍唔住著多左條絲襪褲係西褲入面，真係幾暖，但係個心始終都係唔暖，可以係邊度搵到啲溫暖呢？日日都唔想起身返工！尋晚成晚都發惡夢，醒左幾次，訓得唔好．真係日有所思，夜有所夢，都唔記得個夢啦，只係記得有佢份而且唔係開心野囉！會唔會係現實見返呢？啲人成日話唔記得既夢通常會實現既．．．

今日班長放假，所以幾得閒。不過都有啲野做，所以又係度諗埋啲無謂野，真係想忙到咩到無時間諗。成日就係度同joyce玩，講笑～今日史東肚痛唔舒服，但放工都仲去玩，真係服左佢！同佢傾計開始掌握到，繼續努力～星期一約左lunch食團年飯．

聽日約左joyce去亞姨屋企整錦鯉年糕，但大家都未整過，第一次試下．希望會成功啦．買左好多材料啦，唔識整仲想整好多周圍派，覺得我地兩個好傻！佢真係抱好大期望，要努力！聽日要一早去亞姨屋企，真係好辛苦呀！！

美美，要小心身體呀，天氣凍你就最易病架啦～成日都叫你著多件衫架啦，都唔聽人講，而家又病左啦～快啲好返，我地約出黎食團年飯呀，仲要一齊走花市呀！

我要檢舉
台長： Ｎａｔａｌｉｅ
人氣(83) | 回應(1)| 推薦 (0)| 收藏 (0)| 轉寄
全站分類: 不分類

我要回應
MeiYee
Sorry~~今年沒有和妳行花市啦...因為家裡出了點人事上意外....************
2008-02-10 21:08:38
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文