關鍵字: 悠長假期 性冷感 頹廢 佢 Peter仔 戀愛觀 價值觀
最近真係頹廢到爆. 日日不務正業不得止. 我竟然仲走埋五一長假前o既最後一堂課. 令五一o既9日假期順利變為10日. 無計la. 經過我朝早9點係床上面o既深思熟慮後判定左<<多媒體通信技術>>呢一門係極悶o既課. 而且加上一直未好過o既身體不適. 最後好理性咁放左自己一日大假.
尋晚半夜2點. 龜明係我極度空虛之際竟然向我提出要討論下戀愛觀. 後來發現原來龜明係擔心自己o既性冷感而向我呢個Dr.Sex求救. 但我頂多係性博士唔係性醫生. 我只係識解釋而唔識醫治啊. 最後龜明俾第二d八卦野吸引住先無向我追問佢d病情落去.
我近日打機都打到無晒feel. 唯有以狂煲戲去代替. 發覺自己都几無聊下. 你話若果可以同班fd夾下band都几爽. 將大家d感情都係同一個頻率度交流同發滯. 可惜我中學唔識咁做. 只好係自己間房播住歌黎唱. 一個人係咁唱左成晚. 播到乜唱乜. 但有鬼用咩. 唱到几深情都無人同你有共嗚. 跟住想睇下網頁實際d. 轉黎轉去都無野好睇. 咁又頹廢左一日.
沖涼個陣諗諗下. 發覺中學同佢一齊d日子就好似尋日仲發生咁. 望下自己. 話咁快就一支弓左就快3年. 仲記得3年前心情仲係低落個陣睇到d討論區. D人討論要几耐先可以醫好個感情傷口. 有d人話一個星期. 有d人話一年. 有d人話開始第二段感情最實際. 咁樣就過左3年la. 哈哈. 睇返以前o既自己真係唔掂. 簡直係人渣. 俾我都飛你la. 所以或者仲要多謝佢教識我咁多野. 唔係o既話我仲以前咁傻仔咋. 好老土吧? 若果有得俾我揀我可能都想俾人飛一次. 未試過點都要試下o既. 唔係點大個. 所以我而家諗返起. 或者我同佢就注定左無可能. 我諗起d注定左o既野我就好感慨. 注定左wo. 即係點樣都會發生. 你無野做到除左等個結局黎. 無助又痛苦. 仲記得分手個陣成日諗起Peter仔. 硬係覺得佢好似一早知道晒d野咁. 可惜我當時已經無機會向佢請教lu. 又諗起中學一篇作文題目<<相逢恨早>>.
失戀個陣先令我知道戀愛觀這回事. 原來每個人對愛情o既分歧係可以咁大架. 同佢分手前鬧交. 總係覺得佢諗d野好不可理喻. 簡直不合常理離晒譜. 當我意識到個陣我突然覺得好束手無策. 我無想像過同我一齊咁多年o既女朋友原來思想同我咁大出入. 先唔講我個陣其實几失敗. 個陣我簡直一片混亂. 又覺得連我最信任那個人都唔明白我個種孤獨. 日日想自殺咁滯. 到後來. 我終于明白戀愛觀呢d咁個人o既野根本無辦法去改變佢. 我發覺若果事情已經去到咁多死結o既地步. 或者投降會舒服d. 但係之後我放棄對佢o既執著係因為我明白左佢定係我覺得煩放棄左? 我都不得而知lu.
我其實很欣賞妮可o既戀愛觀. 都可以話我覺得佢同我d諗法同行為都好似. 所以我會認為或者妮可會較明白我. 仲有咩感覺會好得過俾人理解呢? 雖然我知道妳好多缺點(嘿嘿^^). 但係我仲好有信心咁認定妳就係我想搵o既人. 或者就係呢個原因令我堅持咁耐.
文章定位：
