我到而家仲記得哥一日既來臨係几咁突然. 話說龜明講好左係15號先攻擊既敵軍. 係13號光棍團駐蘇州分區辦事處秘書長既龜明突然打俾我. 原來蘇州已經被火速攻陷. 而家即刻殺到黎杭州. 唔係下?! 講到明我15號先實習完course one. 咁先有時間一齊玩架ma.
事件命名為713偉哥肥永突襲事件. 圖片下方和右方為一級兇徒肥永同偉哥. 睇個樣就知佢几邪惡. 而后面既唔係許冠杰. 而係我方既龜明(戰俘式同行). 左邊當然係筆者(深入敵陣之中既戰地記者). 但后來先知事實既真相并唔係咁樣. 其實我一早應該發現龜明企係后面已經提示晒我佢先係幕后黑手......
呢張相后面既就係雷峰塔. 即係白蛇傳入面講哥個. 不過呢個係后來重建恢复既. 但係手工一d都唔馬虎. 起碼上面好似痴左唔知几多金箔上去. 所以入場費要成70人仔咁貴(印像中好似係咁上下).
話時話偉哥又串得几到位. 一擺pose影相即刻高龜明几個層次. 睇黎龜明話佢唔串可能係真架. 又或者佢個許冠杰頭令佢當時已經串唔起. 所以佢哥陣只好用撻錢攻勢. 呢個計謀我係好樂意中招既.
上到雷峰塔. 正啊. 睇晒成個西湖全景. 呢度只係冰山一角咋. 睇下個天咁暗. 佢地黎哥日就黎打風啊. 几驚佢地黎得唔係時候要係酒店渡過. 大家睇下偉哥個老懷安慰樣就知道行程尚算順利. 對唔住啊龜明肥永. 偉哥個樣實在係太搶鏡la.
大家應該睇到呢度係邊度la. 咦?! 咪住先. 做乜個蘇提既”提”字寫得咁怪既? 唔通蘇東坡都寫錯字? 唔理佢先la.
蘇提原來春天先至最靚. 聽講哥陣會開晒花. 加埋成條蘇提係直插西湖架. 即係個湖度會多左一條紅線出黎. 聽到都覺得靚. 杭州果然係國際旅遊城市. 個個旅遊點d遊客都好國際化. 几個麻甩佬漫步蘇提. 你估真係淨望湖景咁簡單咩? 嘩. 對眼真係忙到啊. 對耳仲要時不時留意住邊度講日文同韓文. 嘻. 都係好似雷峰塔個度既導遊姐姐靚d.
杭州西湖既三潭印月既地位相當于澳門既大三巴. 里面又有一段關于蘇東坡既故仔. 不過我都係唔多講la. 唔知係我特別有型(笑)定係楂船阿伯技術了得. 隻手角度剛剛好啊.
講開個阿伯唔單止講左好多西湖既浪漫愛情故事出黎. 而且仲識開turbo加速同埋水上飄移等絕技. 我嘆為觀止之余走哥陣仲差d唔記得俾船錢佢. 真係嚇到佢甩牙.
衰在我哥陣仲要實習返學. 同佢地玩得日半咁大把. 但係都已經夠晒爽. 講返龜明既惡行. 原來佢地第一日去到蘇州除左設局灌醉左偉哥外. 仲有超激既狂踩單車遊蘇州. 真係傷身又拆骨.
文章定位：
