繼續革命 接過紅旗肩上扛， 接過先烈手中槍！ 踏着英雄足跡走， 革命到底永不下戰場！ 放眼看天下， 風雷震八方！ 燎原烈火旺， 工農齊武裝！ 誓把那南霸天北霸天， 一切反動派統統埋葬！ 照耀着我們的是永遠不落的紅太陽！

309愛的鼓勵 0訂閱站台

法國車，久不久會給你驚喜。
當中以標致（Peugeot）最積極，廿幾年來先後有205 GTi、405 Mi16、306GTi-6及206 GTi等好玩出位車；之後，雷諾（Renault）有172匹的Clio RS，以及設計更狂的中置引擎兩座位Clio V6。
平靜一輪，又出招，雷諾帶來Megane RS。
性能唔弱，最大馬力225匹，車尾獨特設計令人一見難忘，好玩得來，多一分趣怪。

試車後話遲上岸

翻查資料，Megane RS比一度熱賣的Golf GTI更早於歐洲市場推出（2004年）。等足兩年，終於來港。
「RS」二字，並唔係想當然地解作「Racing Sport」，而係原廠賽車部門「Renault Sport」名字的簡稱。不過，意思其實一樣，都係以基本型號為基礎，加入大量改裝補品及賽車化調校，令一部日用掀背車，驟變成「超過200匹跑車」，提供強烈駕駛樂趣。

靜加速

雷諾既能在接連兩屆F1中取得好成績，要造出一部兩公升高性能掀背車，有幾難？奇就奇在Megane RS的駕駛感並不如想像中賽車化，反而似一部「輕量升級日用車」。
6前速波箱，輕踩油門鬆極力子入1波，扭力輸出好易掌握，就算係「新牌仔」，應該都唔會「開車死火」。再俾油，turbo開動，引擎轉速與車速同時急升，不過引擎聲唔似一般高性能車般「吼吼聲」地對你疲勞轟炸，只係輕輕提高聲量，表現斯文… …車速原來已在瞬間貼近100km/h。可惜係，波檔位置感覺唔算清晰，未熟習的話，有機會入錯波。

勁透光

雖係hot-hatch，不過Megane RS依然注重實用性，車廂空間算寬敞，車頂更送上兩幅式玻璃大天幕，同級車種獨家供應，乘客及司機均可享受耀眼陽光。
懸掛設定唔算硬橋硬馬，雖已用上18吋薄身輪胎，輾過路面小坑，震動唔明顯，坐得舒服。
前座仿桶櫈，頭枕可調校角度，方便遷就不同形狀「後尾枕」。不過，車廂豪華感未算高，造工及用料亦欠缺德國車的細緻質感，始終，法國車有自己一套，「你估佢唔到」。

車價：HK$278,000
車型：兩箱式五門五座位
引擎：1998c.c.，直4；前置，前輪帶動；渦輪增壓
馬力：225匹/5500rpm
扭力：30.6kgm / 3000rpm
波箱：6前速手動
懸掛：（前）麥花臣支柱；（後）扭力桿
制動：（前）312mm透氣碟；（後）300mm實心碟
長/闊/高：4228/1777/1437mm
軸距：2625mm
輪胎：（前/後）225/40 R18
加速：0-100km/h，6.5秒
極速：236km/h
車重：1375kg
評分：★★★★（5粒★滿分）
評語：唔只高性能，仲帶點玩樂車元素，揸或坐，同樣開心。車廂造工不及Golf GTI，好彩車尾造型特別，又（應該）唔會一街都係，個性之選。

「半皮」軚環12點位置縫上紅線，係越野賽車慣用的設計，用以顯示回中位，提醒搏命扭軚的高手。

免匙着車系統，「車匙」跟身，坐入車廂，踩極力子再按下「START/STOP」掣，引擎啟動。

6前速棍波，檔位唔算清晰，要時間熟習。

兩公升turbo引擎，引擎聲唔大，不過其實暗地發力。

Hand brake是全車最搶眼部分，十足飛機引擎手把。

圍上銀框的儀錶板，設計未算突出，不過數據清楚易睇。

兩幅式天幕，前半部可打開，陽光空氣隨風送入車廂。

前座採用仿桶櫈，轉急彎時俾到充足支承力；坐姿及腳踏位置適當配合，少有地坐得舒服。

後座椅背較平板，舒服程度不及前座。安全帶「反傳統」以銀色示人，玩細節確有一手。