24h購物| | PChome| 登入
2002-07-01 11:50:13| 人氣136| 回應0 | 上一篇 | 下一篇

30/6/02 "黃金入球"

推薦 0 收藏 0 轉貼0 訂閱站台

haha...今日的日記題目是和世界盃無關的...

星期日,家庭日.睡到成11點先起身.今日的節目簡單得o黎又好開心播!首先,大家梳洗完就搭車去Pizza Hut食飯,我都好耐無去過了,因為我唔食得,原因係我一食o親就個肚唔妥.但我今日好小理,因為個肚已經唔妥緊,一於o黎一個以毒攻毒,haha!!果然係得喎,竟然無事.不過到了晚上,才發作出o黎呀.但我相信與Pizza Hut無關的,因為事隔咁耐.如果換o左平日,我一食完一定即刻出事.

食完Pizza,妹妹走先,我同細佬&媽咪行街街.我一路行一路搵想買比思詠的禮物,但都係揀唔o岩,真係有點頭痛.結果行到最後,我先醒起未去西田搵,那只好明天才搵呢!行完街街,我同細佬就別過媽媽去了打機,今日我o地兩兄弟威到盡了,一於續個講,首先是細佬,他今日終完有打爆機啦,兼且在我教道下,射出了一球309分的黃金罰球,haha!他是用英格蘭的碧咸射入的!我原先本來都入o左球299分的黃金罰球o架!竟然比細佬超前o左,真的有點唔份氣,於是再打過!hehe...
當然係我這個師父叻過徒弟啦!我先在對尼日尼亞入o左一球346分的罰球,然後對世家隊更連入4球,其中3球係罰,最後一球更係364分添!haha...真係厲害,好耐無試過一場入成3個罰球咁多,兼拑一日創出3個黃金入球記錄,真係犀利,我o地兩兄弟好耐無打得咁開心了!唔指咁呀!在我o岩o岩開始打o既時候,有個男仔竟然走o黎我隔離"挑"我機!我心想:"唔係嘛,單打機都要走o黎挑",無計啦!我只好奉陪到底.haha!!不過我今天實在腳風太好了,連贏佢3鋪,個條友仔最後只好死死地氣起身走人呢!佢一走,我即刻叫細佬坐o番我身邊,免得閒人o黎阻我打機.打完機都成5點幾了,係時候要回家食飯等睇世界盃了!

今晚是世界盃總決賽,巴西以2:0勝了德國,就這場波而論,兩隊都踢得唔錯,不過始終係巴西略勝一籌,以技術取勝,德國隊該輸得心服口服.世界盃,又要4年後再見了!希望4年後係我o地英格蘭得世界盃冠軍啦!

睇完波,比細佬捉注我睇"AI",因為佢話要還碟比人了,唔睇唔得.那只好睇啦!所以使我是日的日記要在早上才登出呢!不過套AI又幾好睇,可使人產生了不少思考.

近日夢星雲少o左朋友o黎瀏覽呀!唔知係咩完因呢?唔通去晒睇世界盃?


我要檢舉
台長： SnoopyJohn
人氣(136) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文