先祝細佬生日快樂,一年好過一年,心想事成.今天是我細佬的20歲生日呢!!
今日早上馬松深中學的學生來了我們中心探訪,有十分精彩的表演和遊戲,逗得我中心的老人家十分開心,如果有多o的呢類活動比老人家就好了!今朝當我見到一班學生的表演情景時,就使我回想起自己從前讀書的日子,因為我在他們身上尋到自己的影子.不經不覺已經離開o左母校八年,自己經歷了不少,雖然人生還有慢慢長路,但這八年之中確已經夠"精彩"了!不過縱使經歷o左咁多,但我的童真依舊存在,尤其我身邊的朋友(5A同學會),當我們走埋一齊o既時候,就同當年中四中五沒有分別,嘻嘻哈哈,噪到拆天.可能這些都只是見到的表面,或許大家背後都有經歷了滄桑,但這些都無改大家真摰的友誼和天真開朗的一面.這一點真的十分可貴!真的好想可以時光倒流,返回中學的讀書時代呢!
今日去了探BB,華華終於安排到原先要安排我揍的BB"嘉軒"了!他是一個"細B",還未曉得走路,所以只可抱注佢同埋放佢坐低玩.今天是我第一次同佢玩,我希望日後能和嘉軒建立一份如同柏林仔之間的友誼呢!!
探完B,成四點幾五點我先食"午餐",我今日都算減肥了,一來行o左成日,二來就係我早餐只吃了一個咸牛肉飽和白餐飽,到下午成五點才食了一碗公仔麵呢!如果天天都係咁就好了!(其實因為係我個肚仍唔舒,無胃口食o野先咁.=P)在食麵的時候,接到二嫂的電話,他想約我下星期六去海洋公園喎,佢話個日好似五年前咁,我們這班同海洋公園同年出世的"小朋友",可以免費入場玩呢!不過今年只限個日咋,唔似五年前有一段日子.但我沒有即時應承佢,是關下星期六我約了思詠食飯呢!我打算問過思詠有無興趣一齊去先,如果她有興趣,就一齊,如果唔係,我或者唔去玩呢!因為上個月先去過.
探完B,食完麵,自己一個人行旺角,因為我想買樣o野送比思詠,一來是賀她畢業,二來是咁耐無見,送樣o野比好朋友都是應該的呢!我先去雅蘭的Snoopy專門店搵,但睇唔o岩,然後過潮流特區搵,有睇上眼的但又貴得o黎唔值而無買,那我只好明天去沙田睇睇,如果都搵唔o岩,我就要問問朋友邊到有我想買o既o野了!我想買咩比思詠?hehe,唔講得,因為我這篇日記是公開的.如果比思詠知道,就沒有神秘感了!因為我想給我的好朋友一個驚喜呢!
我今日終於買了那個史力奇公仔比自己了!我就是這樣"野性",想要得到的,點都要得到先安樂!我今日本來還發現一隻新出的MG版吉姆o架!但我始終未捨得買注,不是嫌佢貴,係唔捨得再洗錢o者,因為已經買o左史力奇了,還有留錢買禮物和書展用呢,再加上我買o左有排都唔會砌,所以我都係依依不捨的決定唔買注,...遲D先買!
行到身水身汗,雙腳都軟晒的趕回屋企睇波,但點知原來場波開7點,我遲o左半個鐘先返到去呢!今晚的賽果係南韓2:3輸比土耳其呀,我錯過了四個入球呢!其中一個是世界杯最快入球記錄,是土耳其一開場12秒就入波啦!可惜可惜,睇唔到呢!我最憎土耳其隊的,南韓輸o左我覺得有點可惜,但南韓明顯體力已經不繼(因連場征戰),所以無o野好講.不過難得完場見到兩隊"友誼"的表演,體現出體育精神的真諦,可說是今次世界杯最成功的了!
我今日行街行到最後,買了一排"益力多",我希望能用它來對抗我肚子內的惡菌,因為我上次腸胃炎,最後飲了益力多出現好轉呢!所以我今次再試一次,希望會有效啦!我行街連返到屋企,共飲了三枝益力多,亦即係話飲o左三億個有益的"活性乳酸菌"落肚,幫我打o的惡菌!
文章定位：
