時間的光影 時間的光影

224愛的鼓勵 2訂閱站台

一粒蚵一粒蚵無停地挖

這是阮兜的寄望

人攏叫阮「青蚵嫂」

別人穿金戴銀

這阮無咧稀罕

串蚵殼、飼蚵、挽蚵

這是阮的專業

雖然辛苦，毋過靠山食山

靠海食海，阮兜蹛佇東石

這片大海就是阮的資產

阮嘛想空想縫

想欲予阮的工課閣較有價值

發展觀光，讓遊客來體驗、了解

阮飼蚵、挽蚵的生活

發展品牌，用品質來包裝蚵仔

予阮賣的蚵仔價錢閣較高

銷路閣較敨、閣較多元

毋過這一切的一切

攏是大海的恩賜

逐日，逐日

蚵仔自臺灣海峽足膏的海水

不斷地吸收養分

一日一日肥大

阮的囡仔攏是吃蚵仔大漢的

自幼稚園食到讀博士

阮知影阮的囡仔的聰明才智

攏是來自大海

因為蚵仔就是大海飼大的

蚵仔予阮佮厝邊

樓仔厝一棟一棟徛起來

免驚時機毋好

閣較按怎嘛有蚵仔好食

因為大海的包容和浩大

阮的囡仔的人生

才佮阮有無仝款的結局

阮這世人真價值