只掀動愛情 再難過始終會過 浮沉中總會有我

544愛的鼓勵 1訂閱站台

首先我本人係覺得有戀愛係比冇戀愛好. 冇戀愛係人生必經既皆段, 不論
你長相係點, 性格係點, single 係冇得揀既. 但戀愛就需要自己去選擇, 由
於係自己去選擇去令自己既人生多左段有戀愛既人生經歷, 不論戀愛帶黎
既結果係好或是壞都好, 都會令人生戀愛經驗更豐富之餘, 亦會令人生更
加豐盛, 更加多姿多采. 因此我係贊成有戀愛係好既.

不過, 有戀愛當然有戀愛既好, 冇戀愛既亦有冇戀愛既好, 視乎點睇戀愛既o者.

首先講下有戀愛先~~
我宜家都拍緊拖, 而且我都拍過幾次拖, 之前果幾次既失敗令我知道自己更
加清楚知道自己想要一個點樣樣既情人, 知道咩方式既戀愛適合自己, 所以
到今時今日我都冇後悔過自己選擇去變愛. 宜家,
我搵到一個好愛好愛我既情人, 我亦都好愛佢, 我地一齊都有一種好幸福既
感覺. 咁身為過來人既我, 雖然之前係失過幾次戀, 當然會傷, 當然會痛, 但
當初既傷痛為我換黎今日既情人, 十分之咁值得. 正所謂經一事長一智有戀愛
既感覺係好好, 特別係當你搵到個你有同佢一生一世既感覺既人, 同佢一齊既
感覺係難以形容咁好.
當自己開心時, 有愛人分享; 當唔開心時, 又有愛人分憂; 受到挫折, 又有愛人
支時同鼓勵. 呢o的全部都係正面既影響. 我會覺得有戀愛係好事.
會員tarepanda話”If you are studying or not working, don’t do that”我唔
同意. 如果一對情侶有足夠既溝通,就算大家都係學生都會有正面既影響.大家可
以一齊讀書,一齊溫習or各有各專心溫習都得架!!拍拖時拍拖,讀書時讀書都可以拍拖拍得很好.宜家都有好多成績優異生都係有拖拍,只不過求學時期拍拖,先入為主比人既感覺係負面之嘛.就好似如果話比人聽我女/男朋友係icq或internet識既,相信都會比人感覺唔太好.旁人睇落會覺得網上識人好唔安全又危險,但宜家呢個社會,有好多好好既情侶都係因為”網”而造就的.講番轉頭,拍拖亦未必一定會花好多錢,都係睇下果對情人點睇既o者~~同埋如果節日送禮物,女孩子往往喜歡收o的要花心思既禮物,但花心思既禮物又不一定要花錢既~~

再講下冇戀愛~~
咁冇戀愛又未必唔好, 有人會享受冇戀愛既自由.我唔係話有戀愛會唔自由, 但因為愛係包含容忍同遷就, 咁好自然就會冇左一定既個人自由. 而冇戀愛都可以令到人生好充實既, 工作,朋友等等都係令人生充實既因素. 最重要都係睇番個人既價值觀o者~~
講少少題外話.有時我會稔,當一個人一世都未談過戀愛既話,咁究竟係佢自己本身條件真係差到冇人懂得去欣賞丫?!定係因為佢眼角太高而令佢佢一世人都未遇到過一個好吸引佢既人呢?! 呵呵~~

再講番正題.未擁有我覺得唔代表唔會失去.咁我稔未擁有既意思都係暗戀, 雖然
話就話未開始戀就唔會失戀, 但唔代表唔會失去囉. 因為當你暗戀既人離開你既
生活圈子範圍時, 你咪會失去佢囉~~
有時候暗戀都要睇下你同被你暗戀果個人既關係係點既.如果淨係普通朋友,咁當佢搬屋呀,去外國讀書呀,轉手提電話等都冇必要話比你聽架啦. 總之一句講晒,暗戀真係要好大勇氣...

總之,當有一日,由未戀愛過去到真正戀愛過之後,相信都唔會後悔自己去戀過同被戀過.

(19/03/2002 b-up)