只掀動愛情 再難過始終會過 浮沉中總會有我

544愛的鼓勵 1訂閱站台

最愛的未必適合在一起，相愛是讓彼此做自己。。。。。。愛一個人實在太辛苦。
<---我唔同意”相愛是讓彼此做自己”.係人都知當愛一個人時,或多或少都要有包容和忍讓,試問如果可以做自己,點解要忍??點解要讓?? 反而不愛一個人時才可做回自己,自由也!! 當真係相愛時,就係令自己再長大,不論思想上和行為上,因為”平凡生命裡已多個人”.

愛一個人就應該讓他開心，讓他做自己，而不是改變他，改變他的性格，他的生活方式以及一切。。。。。。
<---讓他開心係岩,我同意;但真的要讓他做自己嗎??相對地莫非他也應該讓你做回自己?? 如果係咁,兩個人點相愛??每個人就好似一個圈咁,當兩個圈開始重疊就係兩人開始相愛.彼此既時間都重疊,生活都重疊,從此包容同忍讓亦需要產生.
講到改變,與其睇成改變不如換個角度,睇成遷就我覺得仲好.因為性格既野跟本唔可以因其他因素而改變,一定要自己想變才會變.我覺得如果你當初感到辛苦都係因為你企圖改變佢o者.但其實我覺得係你地溝通唔夠,而且你對佢既愛都唔似你講得咁愛.兩人一齊,就要”遷就”.”遷”者,為佢移走一o的佢唔鍾意你有既野或習慣.”就”者,有忍讓既意思,間有忍下你唔鍾意佢既野或習慣.如果兩個人溝通足夠,能夠響”遷”與”就”之間囉個平衡點的話,就可以容洽相處. 有好多人成日都囉唔到平衡,我覺得最主要原因係因為大家都唔夠愛對方.如果夠愛對方,就會因為愛佢而(自動/經溝通後)為佢而遷就.你感到辛苦,除在你唔夠愛佢外,就是一開始就想改變佢吧!!

即使明知道和他是一段苦戀，可是也心甘情願，根本不會想到他的性格是怎麼樣
<---其實你係咪真係冇想過佢既性格係點架??(先當你有想過)這樣更能証明你愛他不多,怎至不可叫愛,極其量只能叫喜歡.試問愛一個人點有可能唔會想到佢既性格?? 戀愛初時,是喜歡,過左一段日子,要去到愛既階段,一定要顧及性格吧!!如果唔顧及性格,你喜歡他的,應該只是他的表面東西.

女人天生就應該讓男人哄著
<---其實男人都需要女友哄, 因為給女友哄就是哄她的最大動力.

當戀愛到一定階段的時候，開始想把他綁在自己身邊，管住他的一切，想自己成為他的唯一。
<---想成為他的唯一當然是理所當然,但試想想當你真的”把他綁在自己身邊，管住他的一切”,他會開心嗎?? 但愛一個人不是要讓他開心嗎?? 再一次証明你不夠愛他吧!!

可是男人天生就是一匹野馬，你越想綁他，他跑得越快，結果沒把他綁住，反而讓他把自己拖在地上，傷痕累累。。。。。。
<---經一事,長一智.希望你下次能找到個滿意的.

愛他就應該給他一片天，讓他用那片天乘載更多的愛來愛自己。
<---愛他就給他一個心比較好,雖然心比天細很多很多,卻能乘載更多更多的愛.

~~這是我的個人意見，希望更能讓你有一些領悟~~

(21/11/2001 b-up)