24h購物| | PChome| 登入
2006-09-14 22:55:03| 人氣122| 回應0 | 上一篇 | 下一篇

Chapter 56

推薦 0 收藏 0 轉貼0 訂閱站台

隨心

王子成日教我，做人的嘢對好多嘢都唔可以咁著緊，只要依照內心的感覺去做便可以了。我一直都唔係好明佢的意思，始終我覺得，咩都唔緊張，做人邊有目標同動力架….

以前睇王子練習射門，射中門框的命中率都可以有8成以上；而我就只得3至4成度…最奇怪的係，佢只係好求其咁一腳，都可以射中框或者柱；但係我點認真去射都射到飛晒出界。

就好似好好耐之前一次旅行，王子同佢d同學一齊鬥下射罰球，王子好輕易就贏了，因為根本冇人可以好似佢咁整到咁curve的射門；到了第二round，王子叫我去試下，我明明瞄準了target的，唔知點解就偏離目標，射咗入去一堆人入面，重打中了其中一個姐姐的頭。

待我向人家道歉之後，王子同我講：
「mimu仔，你射弧形球的技術真係唔錯，不過你聲東擊西的技術重更加出色呀下，話射入去個bbq場度，你就射旁邊的人，重要head shoot tim，唔錯唔錯。不過如果你射去嗰邊啲人嗰度我就會更加開心啲 tim…」佢指住嗰邊嗰堆同佢唔妥的人。

到了而家，我終於明白了。原來個要訣係身體擺動時要放鬆，成個動作就會好流暢，自自然然就中晒目標啦。同樣道理，對事情過份緊張只會適得其反，發揮唔到自已的能力，影響辦事效率。

不過，而家有d嘢我係唔可以唔著緊的，就係要好好照顧王子，同埋幫佢搵番失去了的記憶…

我好清楚，每個人的心裡面，有好多嘢，只要時間一耐同埋冇去接觸，就會開始遺忘，慢慢從腦海溜走；當連剩下來可供追溯的痕跡都被時間洗刷淨盡，就連唯一可勾起回憶的大門也會關上，再也打不開….

當連王子以前視為生命的一部份的足球，佢都已經完全忘記得一乾二淨的時候，到底有d咩可以重新喚醒王子的記憶呢？係友情？親情？定係一直都冇降臨過響佢身上的愛情？

我要檢舉
台長： Sebastien
人氣(122) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文