24h購物| | PChome| 登入
2006-03-29 22:45:24| 人氣57| 回應0 | 上一篇 | 下一篇

Chapter 45

推薦 0 收藏 0 轉貼0 訂閱站台

信心崩潰
經過一段好長好長的時間養傷之後，王子終於可以再踢波了。

不過，卻遇到了一個都幾嚴重下的問題，就係佢而家唔知點解非常之慌失失，成日都甩手，解圍又周不時踢空氣，完全失晒水準。

就算唔係踢波嗰陣，佢都係冇神冇氣咁，頹廢到爆。每晚的活動唔係出去飲酒就係訓覺，都冇乜點見過佢做下其他嘢咁嘅。

王子的心情咁差，如果話係因為佢而家面對緊嘅壓力好大，我明白。咁話晒佢而家都幾忙，又冇咩人幫到佢手WOR。

如果係因為呢排天氣嘅問題，我都明白；呢排濕氣重，係人都會煩燥一啲嘅，我又唔覺得有幾大鑊。

不過，我最擔心嘅係，如果佢而家咁樣係因為嗰次受傷，令佢信心崩潰的話，咁就大件事啦。

因為如果一個人冇晒信心的話，根本就冇可能做好每一件事，包括一啲佢之前一直做得根好好，而且好有信心的事。

其他傷都可以好快痊癒，但失去信心就最難搞，因為都幾難搵得番嚟，而且都唔係一時三刻就可以搵得到。

真難搞呀。

~mimu仔語錄~

「你都唔見得好過得幾多呀，如果你真係覺得我似足一個得十歲嘅小朋友的話，咁你就一定係似一個成三四十歲的阿叔，老餅到爆。不過，最大鑊嘅，係你實質的年齡都係同我差唔多，我就係二十除二；你呀，二十乘二啦！計少咗你啦已經！」

呢句係我同一個好市儈同內向，而且輸唔起嘅朋友講嘅，因為佢將自已識唔到朋友的責任推落我度，話我太過似一個小朋友。

咁其實呀，得閒做下小朋友又有咩問題？起碼我都好開心呀，係咪先？

我要檢舉
台長： Sebastien
人氣(57) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文