24h購物| | PChome| 登入
2006-02-01 13:07:12| 人氣52| 回應0 | 上一篇 | 下一篇

Chapter 40

推薦 0 收藏 0 轉貼0 訂閱站台

戀愛觀
談戀愛係每個人必經嘅階段。

就算我只係一隻熊仔，我都會為有拖拍而努力；雖然或者要等好耐，又或者根本我呢世都冇可能有呢一日。

我相信，只要我努力咁解決自己d問題，呢個機會一定會出現響我嘅身上。

王子成日都話我戆居，咁搞法，唔到下世都唔駛旨意等到啦。雖然佢答得都幾尖酸刻薄，不過，通常我響呢方面有d嘢諗唔通嗰陣，我都會問王子。

其實唔止我架，王子而家得閒都會幫佢身邊d朋友解決佢地戀愛方面的問題。你唔好睇佢一次拖都未拍過，就以為佢係流料呀。你見佢連一個關於足球嘅獎都未攞過，但係個個同佢踢完一場波之後都會話佢勁就知啦。

咁王子自己又點呢?

佢有幾相信自已嘅感覺同宿命，唔駛我再點解釋啦。

佢一直覺得，孤伶伶咁生活落去，就係佢嘅宿命；而且，感覺未嚟，夾硬去開始一段感情，只會令雙方都痛苦；最後佢同我講自己仍然冇談戀愛的需要。佢重講咗以下嘅說話：

「而家唔係我未同佢講，而係佢唔肯畀回應我。而家已經唔係我揀唔揀人，而係佢揀唔揀我架啦。或者，可能結局一早已經出現，只係我唔知，又或者唔肯承認啫…」

聽佢呢句，咁即係代表佢有鍾意嘅人，而家只係等緊佢嘅答覆啦；如果係真嘅，佢都等咗差唔多兩年啦wor。

我覺得佢好似比我重戆居lor。好似。

我要檢舉
台長： Sebastien
人氣(52) | 回應(0)| 推薦 (0)| 收藏 (0)| 轉寄
全站分類: 流行時尚(美容彩妝、保養、造型、塑身、流行情報)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文