收到賀卡後,michelle很緊張地說:"christina快d睇下bc寫咩俾你~?"
我急不及待拆開信封,快速地瞥了一下,再仔細地檢查了一遍,竟然找不到BC sir的字跡~!!而michelle、joe的cards,他都有留字.....那是為什麼呢???
最後michelle唯有安慰我說:"可能佢唔捨得妳,根本就唔想同你say goodbye呢..." 太...太牽強了吧...?!
下午我拿了相機,和michelle到處跟老師們拍照留念. michelle知道我不好意思開口,於是主動說:"bc sir,同我地影張相丫"
BC竟然答:"um...我今日狀態唔係咁好,不如星期一先影丫~"
我從來不曾見過他如此頹喪過,連幾秒鐘的拍照他都拒絕....而且4點多他就走了...
我開始很擔心他...
放工前,我忍不住send了SMS給他:"take care!"
他沒有回覆...
由他拒絕拍照開始,我已經很沒心情,見他不開心,我也不高興,一句說話也沒說...
上了巴士,我還在想他的問題,擔心他為何不開心;然後又覺得自己很傻,根本就none of my business,我也沒權讓它成為我的business,覺得自己做的事很多餘,還叫自己以後也別傻了~
就在exactly這個時候,電話響起,來電顯示是:"BC"
好緊張好緊張~~深呼吸一下,然後裝作若無其事地"喂"了一聲.
BC:"喂~唔該我想搵christina丫~"(超有禮貌,可以做CS~)
我:"我係"
BC:"我係BC呀...我收到你既msg,多謝你呀~其實我係為KK要走既事唔開心囉~妳依家響邊?方唔方便傾幾句?"
我:"我搭緊巴士,你講丫~"
BC:"KK要調走,我好唔開心,話晒我地一齊入黎,一齊做左9年,一齊捱,所以唔捨得..."
我:"我都覺得唔開心..."
BC:"同埋呢...佢調去庇xx士,個間女校黎架嘛~佢唔係好適合囉~佢同男學生會相處得好d;而且kk係比較識得教中游或中下游既學生,個間係名校,佢一定會好大壓力."
我:"我都明白~不過你地教左咁多年書,要對自己有信心至得架嘛~你同kk下星期洗唔洗返黎?"
BC:"kk好似唔洗,我就星期一二三都要返"
我:"咁不如一齊食飯丫"
BC:"好呀好呀~咁到時我地再慢慢傾丫~多謝妳呀christina,我無事架喇~thank you!"
就這樣結束了2分12秒的對話,我們相識8個月來的第一次通話...
看得出BC sir很重感情,而kk也是他在學校裡的好朋友.當初kk因為壓力及情緒問題申請調職,現在雖然如願以償,但調去另一間或許壓力更大的學校,難免kk和bc都不開心,連我也覺得很無奈......
另一方面我又想,我是否太過著緊BC呢??沒錯,我很喜歡他,但一直我只希望把他當偶像,因為我知道有些事情不是我想怎樣便可任性而為,我不應該作破壞的行動,所以一向禁止我倆間有「逾越」的可能性.
可是,我今天突然發覺自己思想上逾越了~我竟然會為一張card而緊張,後來更加演變成為了一句說話很擔心他...過份而非我意料的著緊使我覺得不安,也覺得自己在做壞事...
dear friends,如果你/妳一直在看我的diary,而你/妳sense到我有任何思想行為上的不妥,請老實告訴我,讓我警惕一下;該做與不該做,我都知道,只是我更希望自己能夠「知行合一」.
文章定位：
