* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
2006年2月24日
上午 ( 中正機場 → 台北車站 → 酒店 → 台北車站 )
到達中正機場後, 熊熊俾個男人接走左, 剩返我同豹豹兩條友搵車出台北車站。
同豹豹響機場又上又落, 搵極都搵唔到客運巴士邊度買飛 = ="
最後只好開金口講左第一句國語：「請問一下......」
坐左一個鐘頭車去到台北車站, 兩條友再次於台北街頭迷路, 拖住ｄ行李行左三十多分鐘先去到酒店。
下午 ( 台北車站 → 士林站 → 酒店 → 善導寺 → 西門 )
check in 後同豹豹搭的士出台北車站, 豹豹竟然帶我去火車站買捷運車飛 = ="
攪左好耐, 終於買到好似香港既八達窿儲值卡, 跟住同豹豹搭捷運去士林站行街街順便等熊熊。
大約四點幾返酒店等熊熊, 之後三條友由酒店步行至善導寺搭捷運去西門飲飲食食 + 行街街。
晚上 ( 西門 → 忠孝敦化 → 酒店 )
由西門搭捷運去忠孝敦化, 去誠品書店睇書, 之後就返酒店。
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
2006年2月25日
上午 ( 酒店 → 善導寺 → 市政府 )
由酒店步行至善導寺站, 搭捷運去市政府, 參觀左台灣探索館, 101大樓。
下午 ( 市政府 → 忠孝敦化 → 淡水 → 酒店 )
之後搭免費接駁車去市政府搭捷運去忠孝敦化, 去Sogo Shopping。
跟住再搭捷運去淡水, 三條友響淡水玩左大約三個鐘, 買左好多手信。
晚上 ( 酒店 → 台大醫院 → 劍潭 → 台北車站 → 酒店 )
淡水之行已經令到我地手斷腳斷, 返酒店放低手信後就再起程步行去台大醫院搭捷運去士林夜市。
響士林夜市飲飲食食後, 諗住去食麻辣火鍋, 但最後太累 + 怕間舖打烊, 三個人拖住疲倦既身軀, 去左 7-11 買消除疲勞既浸浴湯包返酒店浸腳。
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
2006年2月26日
上午 ( 酒店 → 中正紀念堂 )
十點幾響酒店check out後, 就步行去泰豐食小籠包, 跟住去金石堂書店, 再去義美、新東陽買手信, 中途又去左台北牛乳大王飲木瓜牛奶。
下午 ( 中正紀念堂 → 西門 → 台北車站 → → 酒店 → 台北車站 → 中正機場)
之後再步行去中正紀念堂參觀, 跟住又去行書局, 然後途經郭元益, 入左去買包裝好靚既鳳梨酥做手信。
搭捷運去西門買野, 跟住再去台北車站, 行左一陣就搭的士返酒店拎行李, 然後再搭返去台北車站。
響台北車站買車飛搭客運巴士去中正機場。
晚上 ( 中正機場 )
響機場食左碗拉麵後就上機。
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
文章定位：
