24h購物| | PChome| 登入
2006-01-28 01:52:31| 人氣89| 回應0 | 上一篇 | 下一篇

春節假期 の 第二天

推薦 0 收藏 0 轉貼0 訂閱站台



習慣始終係習慣...我如常七點起身, 洗衫晾衫, 同熊仔玩跑步, 跟住上網。

到左中午, 睡魔入侵...訓到四點就起身沖涼接家姐收工。搭地鐵時收到新人既ｓｍｓ話林海峰隻ｄｖｄ賣晒 ."/.
好在我去到家姐公司附近間影音店買到最後一隻...真係手快有手慢冇 ^^v

上到家姐公司, 佢ｄ同事見到我後又誇張到大叫：好似呀好似呀！
我真係好討厭呢ｄ場合, 又要笑住同佢地打招呼, 又要忍受佢地望住自己個樣, 就係因為由細到大都要應付呢一類人, 搞到好唔鐘意人地望自己, 一發現有人望自己, 就會用對眼啤住佢地 ."/.

俾班人當完馬騮睇後就即刻閃人, 去到樓下大堂, 家姐叫我順時針圍住大堂棵大桃花行三個圈, 雖然好怕俾人望, 但我都乖乖照做, 希望可以早日遇到我既真命天子 ^^v

之後我同家姐去左shopping, 每人買左套紅色貼身衣物...聽講著住過年會行好運, 另外我地仲買左個手袋同埋一套衫送俾媽媽 ^^

大出血後就去左酒樓同班親戚食團年飯 + 婆婆既生日飯。

乳豬　　　　　　　←　好肥...但都食左好多舊
白灼蝦　　　　　　←　敏感唔食得 /_
炸蟹鉗　　　　　　←　敏感唔食得 /_
西蘭花帶子象拔蚌　←　好好味
髮菜蠔豉　　　　　←　冇咩特別
翅　　　　　　　　←　難食
蒸唔知乜魚　　　　←　好好味
唔知乜雞　　　　　←　超好味
上湯唔知乜麵　　　←　鹹到爆
糯米飯　　　　　　←　鹹到爆
紅豆沙　　　　　　←　好好味
壽包　　　　　　　←　食左好多個 :p
唔知乜餅　　　　　←　好難食
生果　　　　　　　←　食左好多 :p　　　　 　

食飽飽後就同家姐搭地鐵返屋企, 當落到上環地鐵站時, 遇到一班一行五人既失明人士問我地點行去搭港島線去金鐘轉車, 於是我同家姐就一頭一尾組成人肉火車隊帶路。

當時場面都幾壯觀：
　　　　　　
　　　　　　　　你地跟住我行啦！　　　　
　　　　　　　。　　　　　　　　　　　
　　　　　　。　　　　　　　　　　　
　　　　 ＠　＠　＠　＠　＠　＠　＠
　　　　//姐＝甲＝乙＝丙＝丁＝戊＝多　
　　　　《　《　《　《　《　《　《

　　　　　　　　　　　　　　　↑其中呢個婆婆視力正常, 但唔識路。


大約用左三分鐘, 成功帶領佢地入車箱...助人為快樂之本, 幫到人真係好開心架 ^^

我要檢舉
台長： Yan
人氣(89) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文