24h購物| | PChome| 登入
2005-11-16 01:17:54| 人氣99| 回應0 | 上一篇 | 下一篇

耳環

推薦 0 收藏 0 轉貼0 訂閱站台

由細到大, 阿媽耐唔耐都會問我一次：「去唔去釘耳窿呀？」
小時候既答案　：「唔去！」
大個女後既答案：「你不如殺左我！」

古語云：「身體髮膚, 受諸父母」, 我真係好唔明阿媽點解成日想傷害我對耳珠。

我阿婆個耳窿好大, 佢後生時鐘意戴重既耳環, 攪到 e+ 個耳窿向下發展, 個耳窿口僅餘一個小接口, 驟眼睇好似開左叉 = ="

所以我好怕見到ｄ女人戴「ding ding dump dump」既耳環, 唔怕得罪講句, 真係覺得佢地有如豬「也母」戴耳環。

大約一個月前, 家姐竟然無啦啦走去穿耳。

一個月後既今日, 佢個傷口終於成形, 可以戴唔同款式既耳環。

講真...佢要戴咩耳環我管唔到, 但佢竟然要我幫佢戴耳環 (>________<")

事源家姐換耳環時, 仲未熟手成功將對耳環戴上, 佢要求我幫手, 但我打死都唔肯, 覺得好核突。

點知佢喊住口同我講, 如果戴唔返個對耳環上耳, 個耳窿會埋口。心軟既我, 死死氣地接過對耳環……我左手拎住隻耳環, 右手拉住隻耳仔, 個口響家姐耳邊不停係咁問：「唔戴得唔得？」

擾攘左好耐, 唔知咩情況之下, 我鼓起勇氣一野拮落去...點知串唔過後面 = ="

拮左好耐都拮唔到, 最後要由後面試拮一次先成功戴上隻耳環。最核凸係我見到有血！之後我同家姐講明我下次一定唔會再幫佢戴。

點知......今日我仍然走唔甩, 要繼續幫佢載耳環 > <

我要檢舉
台長： Yan
人氣(99) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文