24h購物| | PChome| 登入
2005-07-16 23:41:49| 人氣47| 回應0 | 上一篇 | 下一篇

日記　2005年7月16日

推薦 0 收藏 0 轉貼0 訂閱站台

2005年7月16日　(晴)

今朝一開MSN就收到亞哥message, 佢叫我上Benny屋企練琴, 然後先再上堂學琴。

敷衍應左佢一句知道, 跟住又再訓過 :p

到左晏畫一點幾, Rita打俾我, 佢將我哥同一番說話講一次我聽, 今次老師叫到, 無理由唔聽從, 於是即刻起身梳洗, 然後出門口 = =

由觀塘裕民坊行去雲漢里, 其實路程只需八分鐘, 但今日太陽伯伯好強勁, 晒到我唔想郁, 我成隻鳥龜咁用左雙倍時間先行到目的地。

其間收到家姐既電話, 佢話我知熊仔喊緊, 響屋企周圍搵我, 佢仲提議將個電話遞俾熊仔, 叫我響電話度大叫熊仔個名 = =

於是乎我敷衍地叫左兩聲熊仔, 但家姐話聽唔到, 叫我再大聲叫多幾聲......

就係咁, 我為左滿足家姐同埋熊仔, 響熙來攘往既街道上, 大叫左幾聲熊仔！

入到Benny屋企, 果然一個人都冇, 於是我好唔客氣咁打開人地個雪櫃, 開行個冷氣, 跟住就開始好努力咁練琴喇 ~

當我彈緊琴既時候, 我聽到客廳出面有聲, 好驚好驚, 間屋明明得我一個人, 無理由客廳會有電視聲 > <

唔知係唔係想得太多, 我更加好似聽到我練緊琴間房有人聲 > <

好驚好驚之下, 我快速地祈禱, 祈求魔鬼遠離我......

祈禱後, 即時安心地繼續練琴 :p

e+ 諗返起覺得自己當時都幾鎮定, 但我諗我唔會再敢自己一個人上去 lu ~

點算好呢？　

只有Benny屋企長期冇人先方便我上去練琴, 但我真係好驚......

屋企部電子琴, 我覺得開始唔適合練習用 /_\

唉......真係希望自己屋企擁有一座鋼琴, 咁就唔駛為左練琴嚇餐死 .\ /.

我要檢舉
台長： Yan
人氣(47) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文