白羊人
白羊掌管身體的部分係頭部，到冬天好乾燥的日子，白羊人最緊要係留意面部同頭髮的護理！千祈咪偷懶，記得晚晚沖完涼後要好好搽均保濕乳，仲要得閒做下深層保濕，最好就梗係搽上一層保濕乳先上床，另外頭髮都要焗下油喎！
金牛人
金牛掌管的身體部分係喉嚨，到呢d時候就梗係要多d飲蜜糖水同食下糖水啦！金牛人的喉嚨本身都係較為敏感，所以多d飲水之餘，仲要記得保持條頸溫暖，凍凍地就要戴返條頸巾仔保護下，要防範於未燃呀！
雙子人
雙子掌管的身體部位係雙手同雙臂，響呢d又乾又凍的日子，就梗係要對症下藥好好護理下啦！所以記得要成日帶定保濕膏響手袋，千祈唔好偷懶，每次洗完手，就即刻拎支膏出來搽均晒隻手，記得去到邊搽到邊啦！
巨蟹人
巨蟹掌管的身體部份係胸部同肺部，來到呢d乾燥日子，巨蟹人就要好好保護下個肺啦！煲多d潤肺湯水，羅漢果呀、海底椰呀咁，否則成日吸入太過乾的空氣，對個肺長遠來講唔係太好呀！
獅子人
獅子掌管的身體部分係心臟同脊骨，聽落天氣凍好似同佢又扯唔上乜關係，聽落好似係，不過話晒係心臟，當然應該係一年365日都要做好保養，所以各位獅子最好襯住呢個秋高氣爽的日子行下山做下帶氧運動。
處女人
處女座掌管的身體部分係腸同脾臟，來到呢d天氣轉變的季節，食多了應節食品，好似大閘蝦、打邊爐咁，腸胃就梗係多少會有唔妥，再加上處女人本身對周圍的環境較為敏感，所以記得注意調理下飲食至餘，仲有係都要做好保濕功夫呀！
天秤人
天秤掌管的身體部分係腎臟，響天氣凍凍的日子，各位天秤友就梗係要好好滋陰下你個腎啦！得閒就煲下合桃芝麻糊食下，黑芝麻含有脂肪質、鈣質、磷質，有補腎的功效！
天蠍人
天蠍掌管的身體部分係生殖系統，天氣一旦轉凍麻煩各位美少女就唔好再打出個肚腩仔出來，有咩凍親後果都幾嚴重！仲有就梗係唔好再飲凍飲，去茶餐廳食飯都係改叫熱檸茶飲啦！！
人馬人
人馬掌管的身體部位係大腿同肝，基本上無論天氣係由凍變熱定熱變凍對人馬友來講都唔會有太大的傷害，不過呢，咪得戚住，點都要好好注意下健康，另外各位人馬女就要戒下著短裙仔，非是凍親條腿啦！
山羊人
山羊掌管的身體部分係皮膚同骨頭，聽到呢度各位山羊友一定知道你就係要做好保濕措施的星座啦！所以來到呢個乾燥的季節，最緊要要做的就係皮膚的護理，記得唔好偷懶，除臉部保濕之外，沖完涼之後一定要全身搽返層保濕至掂呀！
水瓶人
水瓶掌管的身體部位係小腿，響天氣慢慢轉冷的時候，雖然對水瓶人唔係有太大的直接影響，不過大家都要好好做妥小腿的護理，沖完涼記得搽返晒潤膚膏，一次都唔好疏啦！仲有係唔好露晒出來小心冷親佢呀！
雙魚人
雙魚掌管的身體部位係腳板，天氣由熱轉凍，呢個時候各位雙魚友就梗係要好好保護下對腳板啦！唔好著露趾鞋，落街都減少著拖鞋，仲有係各位魚女唔好要靚唔要命，監硬著boots，小心著到生雞眼呀！
文章定位：
