規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。
之前講過話初二都儲唔齊16個tag我會照寫
講得出做得到!
已經係第三篇了，之後再tag我都唔會再寫16項了
不過呢次我會正正經經打的，我一向都正正經經ga la
呵呵呵
1) 好恨愛情的來臨，過年最最要緊的是去跑桃花，今年我一定要識到老闆個仔，嫁去瑞士，出黑卡比毛毛同小友，日日遊埠巡視業務，hahahahahahahaha!如果我墜入愛河，我一定會公告天下，請不要再猜測我跟誰誰誰是甚麼關係，因為這樣我的異性朋友都會跟我斷絕來往。我對期盼愛情的熱切正在急速減退，我發現我睇的愛情小說愈來愈少，開始睇埋d怪書多，可能係d愛情小說已經滿足唔到我la，d情節一個比一個熟，hahaha
2) 今年情人節，我將會跟我的愛人一起過(must)
3) o係唔發夢識老闆個仔同中六合彩時，我是個穩重、可靠的上班族
4) 我有個想去實行的願望:退休後到英國郊區開早餐旅館~
5) 前兩年我成日都話要係30歲之前去澳洲流浪一年，但係我發現我唔想流浪，我都係老實d儲錢希望係35歲去旅行好了
6) 我今年對工作的期盼係唔駛升職，人工有得加就可以了(高於市場水平就最好了)
7) 減肥，我20歲之前講左好多年，其實20歲之後我冇再講，但係大家好似對呢個不可能的願望好熱衷，年年生日新年聖誕我都聽到及收到很多減肥成功的祝福，多謝各位，但係今年我要keep住呢個body shape去溝老闆個仔，cos唔係個個鬼仔都buy章子怡o個type ga ma。唔好以為我去做運動係為左減肥，其實我都真係幾鍾意喘氣、流汗，雖然我比較hea，通常都未warm up 好個人就要抖吓，對減肥冇乜作用，我仍然會成日扮做運動，等自己覺得好健康，hahahaha，最好就係有人係旁邊一齊hea一齊傾吓la
8) 我鍾意見面>講電話> sms> msn>寫信> email>新聞台>facebook>搵人傳話>避開唔見(最後呢個好討厭，最近有個朋友仔玩緊)
9) 其實我o係每個gathering拍照係想比自己記得幾時見過某某某，因為我成日睇返d相先會記得原來曾經有個咁o既聚會
10) 我鍾意藍色黑色，extremely hate pink n red, but我d新同事送比我d gifts都係粉紅色，我諗我d雙面功夫進步得好緊要，令佢地產生d種錯覺。I extremely hate hello kitty too,同埋我唔鍾意d心型圖案、唔鍾意”毛毛”，我唔鍾意d姣野。最近爆討厭的歌是hotcha的”you are my best friend”!
11) 最近為左annual dinner忙都喊，好多野要預備，除左committee的工作，我仲要為冇靚衫著上台而煩惱，已經冇可能造得切條裙，過了christmas d裙又唔見晒喎，已經唔係有冇碼的問題了
12) 朋友於我而言非常重要，正常家人是放第一位的，我曾經都正常過，hahaha!
o係個不正常的環境培養出不正常的人格。朋友係同我經歷過眾多人生大事的人，是我會因他們而快樂、傷心的人。有人跟我說過，應該有人(如親人或伴侣)比朋友更重要更影響我。但影響我最深的親人已經不能再成為重心了，而哪個未知是否會出現的伴侣，尚未出場，朋友真的很重要。那人話朋友為你做過些甚麼跟你一起做過些甚麼，為甚麼要這樣重視?其實陳小紅為你做過些甚麼，跟你做過些甚麼?使你要為我做甚麼、一起做些甚麼呢?
如果友情要這樣衡量，陳小紅算甚麼?
我不介意我放朋友的位置跟朋友放我的位置不一樣，友情的度量衡比愛情還要複雜，我明白。但友情來得比愛情更無堅不摧。
朋友你可能見我為那些你認為沒有為我做甚麼的人很在意，因為喜歡的話，其實真的不需要也可成為朋友；但是你肯定沒留意我為你做得更多、更在意你。一切都只是你看不到，其實你是一個很重要的朋友，很多時一想到要去做些甚麼便先想起你。
我有愈來愈依賴朋友的傾向，試想本來有個人連我放個屁都覺得香、會等我回家、會聽我所有的心事，但現在沒有了重心其實我已經將這些分散去投放在不同的人身上，如果我真的找到一個人可以背起我全部的無聊事，到時請大家務必要準時出席我o個餐
13) 利是錢一年比一年少，各位朋友有伴侣的祝你們早日成婚，以增加我利是錢的收入。不過計計吓我要先付人情喎，我咪要好遲婚先有得賺?唔怪得eddie話結婚係盤好難計的數。係喎!還未收到eddie大人張帖喎，唔通……hahahaha
14) 我係個有喜劇性格的悲劇人物，o個d咩家庭悲劇係我身上發生晒，我張呢d事要寫成書or劇本的話都會被嫌太老套，有乜可能一次過發生晒咁多事，但係就真係全部都真人真事。Haha!之前我好唔鍾意o個份我返得兩個月就轉工o個份工呀，d同事就係o係我未入職前知道我的背景，先入為主咁成日以為我係d悲劇女主角(o個排又做緊家好月圓喎)，問我阿姨係唔係好似紅姨咁?hahaha我又唔係心女又唔係法拉喎，真係人都癲。
15) 係我妹妹眼中我係個好彩到佢眼紅的人，不論讀書、識朋友、工作，我都好像好輕易就得到理想的結果及意外的收獲。不能否認我真的很幸運，好像走到哪裡都得到眷顧。但係我失意及努力時，你可能見不到，而且很多事都是要視乎你的想法去發展，你在我眼中是很出色的人，是你沒察覺而已。
16) 我是個很喜歡把事情想得很簡單很理想的人，沒有甚麼是不可能。
其實不是這樣的，我很多時都會將事情的極端想一想，但我只會將好那面出來，因為壞那面只是給自己參考，說出來有種會成真的感覺hahahahaha
文章定位：
人氣(77) | 回應(0)| 推薦 (
0)| 收藏 (
0)|
轉寄
全站分類:
不分類
