史力加變身超能先生＠商務紅人館｜PChome Online 個人新聞台

2008-04-12 01:13:27| 人氣49| 回應2 | 上一篇 | 下一篇

史力加變身超能先生

推薦 0 收藏 0 轉貼0 訂閱站台

上個星期六屎忽痕走去行山，著左件長袖外套，

出門口前叫陳樂兒都著長袖，因為上山有呢個需要，

點知個pk話好熱呀唔著。

上到剛開始要爬山時(頭一段係石屎路)，

我因為好熱所以脫了外套，

過左兩個山頂左右，

有d風，想著返件外套，才發現有個強盜搶左我件衫。

個強盜叫陳樂兒，我同佢講要佢比返件衫我，

但係佢話件衫係佢o既，唔比。

喂亞姐，件衫係我比錢買同我帶上去的，

點計都係我o既，你憑咩搶左我件衫，

因為你條仔o係度照你，所以你惡晒?

我又唔想o係個fd面前好似強搶佢咁攞返件衫，

唯有由得佢la!

點知係山上都唔覺有乜野，

但係一落到山，對手臂開始紅晒同好熱好痛，

大獲，好嚴重咁曬傷左。

痛左兩日，唔掂佢都又熱又痛，

最慘係唔只手臂，連塊面同頸都係咁。

o個晚行完山仲走去7a聚會，

影埋貼紙相，

第二日返工都未好過，

食lunch時拿拿聲走去買支曬後搽的gel，

支野係透明綠，搽完成隻史力加咁，

有個客見到我咁彈開好遠同唔敢攞我比佢本書，

有夠趕客。

另外，最搞笑係我帶左太陽眼鏡行山，

今次之後我知副鏡的防uv功能不錯，

因為我帶眼鏡個位同我曬傷個位完全係兩截色。

因為咁，eddie個衰人係咁話我似d乜，

例如:史力加、超能先生、黑白對調的熊貓、燶版黑俠等等。

今日塊面就換晒皮，手臂同頸就仲一塊塊皮咁脫緊，

想睇我呢個換蛇皮咁o既樣就快d去屯門商務，

我好快得閒就去沙灘曬埋未黑o個d位，

等我今個夏天變古銅色型人。

eddie last day了，你明天來已經不會見到他了，

少個人成日串我，

不過都少個人成日幫我。

eddie今日留下了一個名字給珊珊，

肥肉有米老珊龍，

珊珊話唔准擺上網喎，

好過好笑o既野唔同大家分享實在太自私了，呵呵呵!

我要檢舉

台長：阜東

您可能對以下文章有興趣

老edd語錄

九號風球的大浪前夕

我是G奶

陳小肥的毅行者初紀錄

人氣(49) | 回應(2)| 推薦 (0)| 收藏 (0)| 轉寄
全站分類: 不分類

回應(2)